सोलापूर : अल्पवयीन मुलींवर अत्याचार प्रकरणात कायदा कडक असतानादेखील बालिकांवरील अत्याचार व तिच्या विनयभंगाचे प्रमाण कमी झालेले नाही. सोलापूर शहरात गतवर्षीच्या तुलनेत चालू वर्षातील सात महिन्यात प्रत्येक तीन दिवसातून एकदा अल्पवयीन मुलीवर अत्याचार किंवा विनयभंग झाल्याची घटना घडली आहे. मागच्या वर्षीही ‘पोक्सो’अंतर्गत दाखल गुन्ह्यांचे प्रमाण जवळपास असेच होते.