
सोलापूर - जिल्ह्यातील टेंभुर्णी-अकलूज रस्त्यावर दोन मोटारसायकल्सच्या भीषण अपघातात तीन युवक ठार झाले आहेत. तर या अपघातात दोघे जण किरकोळ जखमी झाले आहेत. मयतांमध्ये दोघेजण करकंब येथील तर एक जण अकलूज येथील रहिवाशी आहे. या अपघातात एक जण जागीच ठार झाला तर दोघांचा उपचारादरम्यान मृत्यू झाला आहे. हा अपघात रविवारी सायंकाळी पावणे सहा वाजण्याच्या सुमारास झाला असून टेंभुर्णी पोलीसठाण्यात रात्री उशिरा गुन्हा दाखल करण्यात आला.