टेंभुर्णी : जबरी चोरीच्या गुन्ह्याचा जलदगतीने तपास करून आरोपींना गजाआड केले व आरोपींकडून या चोरीसह चार गुन्हे उघडकीस आणून सुमारे सव्वा सात लाखांचा मुद्देमाल हस्तगत केला. या उत्कृष्ट कामगिरीबद्दल विशेष पोलिस महानिरीक्षक सुनील फुलारी व पोलिस अधीक्षक अतुल कुलकर्णी यांच्या हस्ते टेंभुर्णीचे पोलिस निरीक्षक नारायण पवार, उपनिरीक्षक कुलदीप सोनटक्के याच्यासह तपास पथकातील कर्मचाऱ्यांना सन्मानित करण्यात आले.
