शिक्षणाधिकाऱ्यांची माहिती! उन्हामुळे सकाळी भरणार शाळा | Sakal
sakal

बोलून बातमी शोधा

दोन सत्रात भरणार शाळा
उन्हामुळे झेडपीच्या सकाळी भरणार शाळा

शिक्षणाधिकाऱ्यांची माहिती! उन्हामुळे सकाळी भरणार शाळा

हेही वाचा: HSC, SSC Exam : दहा मिनिटे अगोदर मिळणार प्रश्‍नपत्रिका

जिल्ह्यात झेडपीच्या दोन हजार 796 शाळा आहेत. त्या शाळांमध्ये एक लाख 50 हजार 348 मुले प्रवेशित आहेत. कोरोनाच्या संकटामुळे यंदा शाळा खूपच विलंबाने सुरू झाल्या आहेत. 1 फेब्रुवारीपासून शाळा सुरू झाल्या, परंतु आता उन्हाचा कडाका दिवसेंदिवस वाढू लागला आहे. या पार्श्‍वभूमीवर काही पालकांनी मुलांना शाळेत पाठविणेच बंद केल्याचे चित्र आहे. विद्यार्थ्यांची पटसंख्या कमी होणार नाही, त्यांची गैरहजेरी वाढणार नाही, याची खबरदारी घेऊन आता पहिली ते सातवीपर्यंतच्या शाळा (जिल्हा परिषद) सकाळच्या सत्रात भरविली जाणार आहे. मुख्य कार्यकारी अधिकारी व शिक्षण विभागाचे सभापती, समिती त्यासंबंधीचा अंतिम निर्णय दोन-तीन दिवसांत घेतील. माध्यमिक शिक्षणाधिकाऱ्यांनी त्यासंदर्भात काहीच सांगितलेले नाही. दहावी-बारावीच्या विद्यार्थ्यांचे पेपर सकाळी साडेदहा वाजताच सुरू होणार असल्याने पाचवी ते नववीच्या मुलांच्या शाळांबाबत ते काय निर्णय घेतील, याकडे सर्वांचे लक्ष लागले आहे

हेही वाचा: तरुणांनो अभ्यासाला लागा! एप्रिलनंतर राज्यात 50 हजार पदांची मेगाभरती

दरवर्षी उन्हाळ्याच्या पार्श्‍वभूमीवर मार्च महिन्यात मुलांची शाळा सकाळच्या सत्रात भरविली जाते. आता उन्ह वाढू लागले असून शाळेची वेळ सकाळी करण्यासंदर्भात 3 मार्च रोजी शिक्षण समितीत अंतिम निर्णय होईल.
- किरण लोहार, प्राथमिक शिक्षणाधिकारी, सोलापूर जिल्हा परिषद

हेही वाचा: ४ नगरसेवकांची राष्ट्रवादी किती जागा घेणार? कॉंग्रेस, शिवसेनेचा सवाल

आरटीई प्रवेशासाठी वय निश्‍चित
चालू शैक्षणिक वर्षात "आरटीई'अंतर्गत 25 टक्‍के प्रवेश सवलतीत दिले जातात. त्यासाठी बालकांचे किमान वय निश्‍चित करण्यात आले आहे. शाळा प्रवेशासाठी बालकाचे वय निश्‍चित करण्यासाठी 18 सप्टेंबर 2020 रोजीच्या शासन निर्णयानुसार मानीव दिनांक 31 डिसेंबर निश्‍चित करण्यात आला आहे. त्यामागे जुलै ते नोव्हेंबर महिन्यात जन्मलेल्या विद्यार्थ्यांचे शैक्षणिक नुकसान होऊ नये हा हेतू आहे. त्यानुसार प्ले-ग्रुप, नर्सरीसाठी 1 जुलै 2018 ते 31 डिसेंबर 2019 (चार वर्षे पाच महिने 30 दिवस), ज्युनियर केजीसाठी 1 जुलै 2017 ते 31 डिसेंबर 2018 (पाच वर्षे पाच महिने 30 दिवस) आणि सिनियर केजीसाठी 1 जुलै 2016 ते 31 डिसेंबर 2017 (सहा वर्षे पाच महिने 30 दिवस) आणि पहिलीसाठी 1 जुलै 2015 ते 31 डिसेंबर 2016 (सात वर्षे पाच महिने 30 दिवस) अशी वयोमर्यादा निश्‍चित करण्यात आली आहे.

Web Title: The School Will Be Full In The Morning Because Of The

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..