
पांगरी : येडशी अभयारण्यात गेल्या दोन महिन्यांपासून वास्तव्यास असलेल्या वाघाला पकडण्यासाठी वनविभाग आणि रेस्क्यू पथकाने रविवारी (ता. ९) रात्री मोठा प्रयत्न केला. वाघाला बेशुद्ध करण्यासाठी बंदुकीच्या साह्याने इंजेक्शन मारण्यात आले. मात्र तो न बेशुद्ध होता जंगलात पसार झाला. त्यामुळे गेले दोन दिवस (सोमवार व मंगळवार) वाघाचा शोध घेण्याचे प्रयत्न सुरू असूनही त्याचा ठावठिकाणा लागत नसल्याने वनविभागासमोर मोठे आव्हान उभे राहिले आहे.