Ashadhi Wari 2025:'वरुणराजाच्या साक्षीने संत भेटीचा सोहळा'; बोंडले येथे संत तुकाराम महाराज व संत सोपानदेव महाराज यांची भेट

-दिनेश माने-देशमुख

बोंडले : धन्य काळ संत भेटी । पायीं मिठी पडिली तो ॥

संदेहाची सुटली गांठी । झालो पोटीं शीतळ ॥

भवनदीचा जाला तारा । या उत्तरा प्रसादें ॥

तुका म्हणे मंगळ आतां । कोण दाता याहुनि ॥

आज पालखी मार्गावरील बोंडले (ता. माळशिरस) येथे वरुणराजाच्या साक्षीने जगद्‌गुरू तुकाराम महाराज व संत सोपानदेव महाराज यांच्या भेटीचा अनोखा सोहळा रंगला. लक्ष लक्ष नयनांनी हा सोहळा पाहताना वारकऱ्यांच्या ‘माउली माउली’च्या जयघोषाने परिसर दुमदुमून गेला होता.