Varwade Midnight Theft Armed Gang Steals Gold Jewellery Cash and Motorcycle Worth 11 Lakh Rupees One Thief Arrested
esakal
-संतोष पाटील
टेंभुर्णी : माढा तालुक्यातील वरवडे येथे पाच जणांच्याचोरट्याच्या टोळीने बुधवारी मध्यरात्री बारा ते साडे तीन वाजण्याच्या दरम्यान तलवार व चाकू यासारख्या प्राणघातक शस्त्रांचा धाक दाखवून अक्षरश: धुमाकुळ घालून दहशत निर्माण केली. वरवडे गावामधील अनेक घरांना लक्ष करीत तीन घरातून सोन्याचे व चांदीचे दागिने,रोख रक्कम,मोबाईल व मोटारसायकल असा एकूण 11 लाख 31 हजार रूपये किंमतीचा ऐवज चोरुन नेला. दरम्यान वरवडे येथील ग्रामस्थ व पोलीसांनी या चोरट्यांचा पाठलाग करून त्यामधील एका चोरट्यास पकडले असून त्याचे अन्य चौघे साथीदार पळून गेले आहेत.
