The restored western gate at Vitthal-Rukmini Temple brings joy to devotees as the traditional darshan route resumes.Sakal
सोलापूर
Solapur News : श्री विठ्ठल-रुक्मिणी पददर्शन रांग पूर्ववत; 'पश्चिम द्वारावरील जतन व संवर्धनाचे काम झाले पूर्ण'
श्रींची पदस्पर्श दर्शनरांग स्कायवॉक वरून दर्शन मंडपात पायऱ्यावरून अंबाबाई दरवाजा येथून सोळखांबी येथील गरुड खांबाजवळून विठ्ठल गाभाऱ्यात जाऊन दर्शन घेऊन दक्षिण बाजूच्या द्वारातून बाहेर पडून श्री रुक्मिणी गाभाऱ्यात जाऊन रुक्मिणीचे दर्शन घेतील आणि मंदिराच्या पश्चिम दरवाजाने बाहेर पडतील.
पंढरपूर : श्री विठ्ठल-रुक्मिणी मंदिराचे शासनाच्या निधीतून पुरातत्त्व विभागाच्या मार्गदर्शनाखाली जतन व संवर्धनाचे काम सुरू आहे. पश्चिम द्वारावरील जतन व संवर्धनाचे काम पूर्ण झाल्याने श्री विठ्ठल-रुक्मिणीचे दर्शन करून भाविकांना पूर्वीप्रमाणे पश्चिम द्वारातून बाहेर जाता येणार असल्याची माहिती मंदिर समितीची व्यवस्थापक मनोज श्रोत्री यांनी दिली.