तुम्ही कोठेही असाल तरी घरात बसून असे मागवा औषध

सोलापूर : कोरोना व्हायरसच्या पार्श्‍वभूमीवर देशभरात लॉकडाउन असल्याने नागरिकांना घराच्या बाहेर पडता येत नाही. त्यामुळे सोलापुरातील मेडिकल चालकांनी औषधे घरपोच पोचविण्याची सुविधा सुरू केली आहे. त्यासाठी महाराष्ट्र केमिस्ट अँड ड्रगिस्ट असोसिएशनच्या वतीने ऍप तयार केले आहे. कोणत्याही जिल्ह्यातून हे ऍप वापरले तरी त्यात ऑनलाइन औषध पुरवणाऱ्या मेडिकलचे क्रमांक येतात. त्यांना संपर्क साधल्याबरोबर औषधे पोच केली जातात. 

हेही वाचा : होम क्वारंटाईनमधील व्यक्ती बनावट पास तयार करून आली पंढरपूरात 

सोलापूर जिल्हा केमिस्ट अँड ड्रगिस्ट असोसिएशनच्या वतीने लॉकडाउनच्या काळात शहरातील नागरिकांना औषधासाठी घराच्या बाहेर येऊ नये, यासाठी औषध घरपोच देण्याची सुविधा सुरू केली आहे. यामध्ये प्रत्येक मेडिकलमधील दोन व्यक्ती ज्यांच्याकडून औषधांची मागणी आहे. त्यांच्या घरी जाऊन औषधे देत आहेत. ही सेवा विनामूल्य सुरू आहे. लॉकडाउनच्या कालावधीत रोज एका मेडिकल दुकानातून 100 ते 150 घरपोच औषधे सध्या पोचत आहेत. यासाठी केमिस्ट अँड ड्रगिस्ट असोसिएशनच्या वतीने प्रत्येक मेडिकल दुकानदारांना पासेस उपलब्ध करून देण्यात आले आहे. दुपारी दोनपासून औषधांची घरपोच सेवा देण्यात येते. 

हेही वाचा : तळीरामांनी फोडले बीअर बार 

ऍपवर महाराष्ट्रातील 24 औषधांची सेवा देणाऱ्या दुकानांचे नाव 
महाराष्ट्र केमिस्ट अँड ड्रगिस्ट असोसिएशनच्या वतीने एक ऍप तयार केले आहे. त्या ऍपवर महाराष्ट्रातील 24 औषधांची सेवा देणाऱ्या दुकानांचे नाव आणि त्यांच्या संबंधितांचा नंबर दिला आहे. ऍपवर पाहून आपण औषधाची मागणी केल्यास आपल्याला औषध घरपोच मिळेल, अशी सोय महाराष्ट्र केमिस्ट अँड ड्रगिस्ट असोसिएशनच्या वतीने करण्यात आली आहे. 
- 
आकडे बोलतात... 
शहरातील 
होलसेल मेडिकल दुकानांची संख्या 
200 ते 250 
किरकोळ औषध विक्री करणाऱ्या दुकानांची संख्या 
650 ते 700 
- 
जिल्हा 
जिल्ह्यातील मेडिकल दुकानांची संख्या 
2350 ते 2500 
- 
कोरोना मुळे सील केलेल्या भागातून जास्त मागणी 
सोलापूर केमिस्ट अँड ड्रगिस्ट असोसिएशच्या वतीने लॉकडाउनमुळे आम्ही ज्यांना औषधांची गरज आहे त्यांना आम्ही घरपोच देत आहोत. मात्र आता ज्या भागात कोरोनामुळे जो भाग सील करण्यात आला आहे त्या भागातून मोठ्या प्रमाणावर मागणी आहे. मात्र, पोलिस त्या भागात जाऊ देत नाहीत. 
- बसवराज मणुरे, जिल्हाध्यक्ष केमिस्ट अँड ड्रगिस्ट असोसिएशन