सोलापूर : महिलांना स्वयंरोजगाराची संधी मिळावी आणि कामाच्या ठिकाणी जाणाऱ्या महिलांना सुरक्षितपणे प्रवास करता यावा, या हेतूने राज्य सरकारने ई-पिंक रिक्षा योजना जाहीर केली. रिक्षाच्या एकूण किमतीपैकी २० टक्के अनुदान राज्य सरकारकडून तर १० टक्के रक्कम लाभार्थी महिलेस आणि उर्वरित ७० टक्के रक्कम बॅंकाकडून कर्ज रूपात देणारी योजना आहे. मात्र, आता लाभार्थी महिलांना द्यावा लागणारा १० टक्के हिस्सा देखील माफ करण्यात आला आहे. त्यामुळे स्वत:कडील एक रुपयाही न भरता महिलांना ई-पिंक रिक्षा मिळणार आहे.