RSS Chief Dr. Mohan Bhagwat addressing Udyogvardhini members, highlighting the need for women’s freedom in professional life.esakal
सोलापूर
Mohan Bhagwat : महिलांना हवी कामाची मोकळीक : सरसंघचालक डॉ. मोहन भागवत; उद्योगवर्धिनी परिवाराचा भाव सोहळा
Women Must Have Freedom to Work : वैभवपूर्ण राष्ट्रनिर्मितीसाठी संपूर्ण देश स्वार्थ, भेद विसरून संघटितपणे कार्यरत राहायला हवा. त्यात प्रत्येकाचा सहभाग असावा. संघटित समाजाच्या नि:स्वार्थ कार्यातूनच देशाचे भाग्य बदलते. समाजातील दुःख ही रा. स्व. संघाच्या कार्याची प्रेरणा आहे.
सोलापूर : महिलांची उन्नती ही राष्ट्राच्या उत्कर्षासाठी आवश्यक आहे. मात्र, महिला उद्धाराचे कार्य करत असल्याचा मोठेपणा पुरुषांनी बाळगू नये. पुरुषाकडे वात्सल्यगुणाची कमतरता असते. महिला जे काम करू शकतात ते पुरुष करू शकत नाहीत. त्यामुळे महिलांना त्यांच्या इच्छेप्रमाणे काम करण्याची मोकळीक द्यावी. त्यासाठी त्यांना अनिष्ट रूढींच्या जोखडातून मुक्त करावे, असे प्रतिपादन राष्ट्रीय स्वयंसेवक संघाचे सरसंघचालक डॉ. मोहन भागवत यांनी व्यक्त केला. गुरुवारी (ता. १७) येथील हुतात्मा मंदिरात उद्योगवर्धिनी संस्थेला २१ वर्षे पूर्ण झाल्याबद्दल आयोजित ‘परिवार उत्सव’ सोहळ्यात ते बोलत होते.