विधानसभा पाहताना विद्यार्थी भारावले 

राशीन : चिलवडी (ता. कर्जत) येथील श्री नागेश्वर विद्यालयाच्या विद्यार्थ्यांनी नुकतीच विधिमंडळाच्या कामकाजाची माहिती घेतली. निमित्त होते "मुंबई दर्शन' सहलीचे. मुंबईतील प्रेक्षणीय स्थळे पाहिल्यावर विद्यार्थ्यांनी विधिमंडळाला भेट दिली. आमदार रोहित पवार यांनी विद्यार्थ्यांमध्ये मिसळून आनंद लुटला. विधिमंडळाच्या कामकाजाची माहिती दिली. 

येथे क्‍लिक करा पोलिसांची गस्त कोणीकडे? 

"मिनी आमदार' होण्याचा हा अनुभव कायम स्मरणात ठेवण्यासाठी विद्यार्थ्यांनी सर्व क्षण मोबाईलमध्ये कैद केले. गेल्या आठवड्यातही न्यू इंग्लिश स्कूल, अरणगाव, पाटोदा येथील विद्यार्थ्यांनी विधिमंडळाच्या कामकाजाबाबत आमदार पवार यांच्या उपस्थितीत सर्व माहिती जाणून घेतली होती. विद्यार्थ्यांना जागतिक दिनांचे महत्त्व सांगितले जाते, तसे ते महत्त्वपूर्ण दिन साजरेही केले जातात; मात्र एखाद्या मतदारसंघाचे प्रतिनिधित्व करताना मतदारसंघातील अडचणी कशा सोडवायच्या, समाजघटकांना कसा न्याय दिला पाहिजे, या बाबी अनुभवताना विद्यार्थी हरखून गेले होते. पवार यांच्यासह शिक्षकांनीही "सेल्फी' घेत आगळावेगळा आनंद अनुभवला. 

हे पाहा हे मंत्री म्हणतात... आंध्रप्रदेशच्या धर्तीवर राज्यात कायदा करू 

कर्जत-जामखेडच्या जनतेला श्रेय 
आमदार रोहित पवार म्हणाले, ""राज्यातील सर्वोच्च सभागृहाचा सदस्य म्हणून काम करण्याची संधी मिळाली, त्याचं संपूर्ण श्रेय कर्जत-जामखेडच्या जनतेला आहे. त्यामुळे इथल्या विद्यार्थ्यांना विधिमंडळाची ओळख आणि माहिती सांगताना मनापासून आनंद वाटला.'' 

हे महत्त्वाचे नगरच्या शिवथाळीचा सोमवारी निर्णय