सांगली: येथील संकल्प फाउंडेशनतर्फे आयोजित होड्यांच्या शर्यतीत तरुण मराठा बोट क्लब (अ) संघाने प्रथम क्रमांक मिळवला. कृष्णा नदीकाठावर रविवारी सायंकाळी हजारो नागरिकांनी होड्यांच्या शर्यतीचा थरार अनुभवला. विजेत्या संघाला ३१ हजार रुपये व मानाचे निशाण, चषक देण्यात आले. कसबे डिग्रज बोट क्लबने द्वितीय, तर समडोळी येथील वारणामाई बोट क्लबच्या संघाने तिसरा क्रमांक मिळवला. त्यांना अनुक्रमे २१ हजार व ११ हजार रुपये रोख व मानाचे निशाण, चषक प्रदान करण्यात आला.