दैव बलवत्तर म्हणून चिमूकलीचा वाचला जीव; एका क्षणांत झाला असता होत्याच नव्हत

बेळगाव : देव तारी त्याला कोण मारी अशी एक म्हण आहे. आज ही म्हण एका चिमुकलीच्या बाबतीत खरी ठरली आहे. बेळगाव रेल्वे स्थानकावर दैव बलवत्तर म्हणून एका चिमूकलीचा जीव वाचला आहे. एका क्षणाचा जरी उशीर झाला असता तर त्या चिमुकलीला आपला जीव गमवावा लागला असता. 

1 डिसेंबर रोजी हजरत निजामुद्दीन येथून वास्कोला जाणारी गोवा एक्स्प्रेस मद्यरात्री 1.55 च्या सुमारास बेळगाव रेल्वे स्थानकावर आली. काही वेळाने वास्कोकडे मार्गस्थ झाली. इतक्यात एका चिमुकलीने त्यातून खाली उडी घेतली, पुन्हा रेल्वेत चढत असताना, तिचा पाय घसरला. ती डब्याच्या पायऱ्यावर पडल्याने ती फरपटत गेली. ही घटना एका पोलीस अधिकाऱ्यांच्या लक्षात येताच त्यांनी त्या चीमुकलीला बाहेर काढले.

हेही वाचा- गवा, बिबट्या आला तर... तयारी शून्य! -

सुदैवाने त्या चिमुकलीला कोणतीही दुखापत झाली नाही. 1 डिसेंबर रोजी घडलेल्या घटनेचा हा विडिओ शुक्रवारी (ता. 11) शहर परिसरात व्हायरल झाला होता.

संपादन- अर्चना बनगे