पोलादपुरच्या आंबेनळी घाटात ट्रक दरीत कोसळला

सातारा - पोलादपूर महाबळेश्वर मार्गावर आंबेनळी घाटात ट्रक दरीत कोसळला आहे. चालकाचे नियंत्रण सुटल्याने हा अपघात झाला आहे. 

या अपघातामध्ये ट्रक सुमारे 60 पेक्षा जास्त फूट दरीत कोसळला आहे .सकाळी साडे सहाच्या सुमारास जॉन्सन कंपनीच्या टाईल्स व पाण्याचा बाटल्या घेऊन एक ट्रक पोलादपूरकडून साताराकडे निघाला होता. बावली गावाजवळ चालकाचे नियंत्रण सुटल्याने ट्रक दरीत कोसळला. 

घटनास्थळी पोलादपूर, महाबळेश्वर येथील ट्रेकर्ससह पोलादपूर पोलीस घटनास्थळी दाखल झाले असून मदतकार्य सुरू झाले आहे . ट्रकमध्ये चालकासह त्याचा सहकारीही असल्याची प्राथमिक माहिती आहे.

याच घाटात दापोली येथील कोकण कृषी विद्यापीठाच्या बसला अपघात होऊन 30 जणांना आपला जीव गमवावा लागला होता. त्यानंतर एका मोटारीला अपघात झाला होता.