मनोमिलनात उदयनराजेंचा करिष्मा ; ' येथे ' पिछेहाट

सातारा : सातारा येथे नुकत्याच झालेल्या सार्वत्रिक निवडणूकीत आमदार शिवेंद्रसिंहराजे आणि माजी खासदार उदयनराजे भोसले यांना मनोमिलनामुळे सातारा विधानसभा मतदारसंघात भरघोस मते मिळाली. सातारा पालिका क्षेत्रात शिवेंद्रसिंहराजेंना 31 हजार 979 तसेच माजी खासदार उदयनराजेंना 33 हजार 855 मते मिळाली आहेत. दाेन्ही नेत्यांच्या मतांचा विचार केला तर शहर व परिसरात उदयनराजेंचा प्रभाव असल्याचे दिसून येत आहे.

शाहूपूरी करंजे या ठिकाणी उदयनराजेंना शिवेंद्रसिंहराजेंपेक्षा 248 मते, करंजे तर्फ सातारा येथे 218 मते आणि सातारा शहर (सर्व पालिका वॉर्ड) येथे 3786 मते असे एकूण 4252 मते जादा मिळाली आहेत.

गोडोली ग्रामीण या भागात शिवेंद्रसिंहराजेंना उदयनराजेंपेक्षा 147 मते जादा मिळाली आहेत.
 
दोन्ही नेत्यांच्या मनोमिलनापुर्वी पासून शाहूपूरी ग्रामपंचायत, करंजे गाव तसेच सातारा शहरात नेहमीच माजी खासदार उदयनराजेंच्या पारड्यात शिवेंद्रसिंहराजेंपेक्षा जादा मते देतात याचा पुर्वानुभव सर्वांनाच आहे.

दूसरीकडे गोडोली हा भाग उदयनराजेंना आणि शिवेंद्रसिंहराजेंना मानणारा आहे. यापुर्वी या भागात उदयनराजेंचा शिवेंद्रसिंहराजेंपेक्षा अधिक प्रभाव होता परंतु तो मतदानातून दिसत नसल्याची चर्चा रंगू लागली आहे.

पालिका क्षेत्रात शिवेंद्रसिंहराजेंना येथून  झाले कमी मतदान