वैराग, उपळेतील जनावरांचे दवाखाने आजारी 

वैराग (जि. सोलापूर) ः बार्शी तालुक्‍यातील वैराग व उपळे (दु.) येथील पशुवैद्यकीय दवाखाने वैद्यकीय अधिकाऱ्यांविना गेल्या सहा महिन्यांपासून आजारी पडले आहेत. त्यामुळे आजारी जनावरांची मोठी हेळसांड होत असून पशुपालकवर्गातून संताप व्यक्त केला जात आहे. 

हेही वाचा - अध्यक्ष महोदय, मी घोटाळा केला नाही

या संदर्भात सोमेश्‍वर बहुउद्देशीय संस्थेचे अध्यक्ष शशिकांत भंगुरे यांनी रिक्त जागेवर त्वरित नियुक्‍त्या कराव्यात, अशी लेखी निवेदनाद्वारे मागणी जिल्हाधिकारी यांच्याकडे केली आहे. अन्यथा शेतकऱ्यांना आंदोलन करावे लागेल, असा इशारा निवेदनाद्वारे देण्यात आला आहे. 
बार्शी तालुक्‍यातील वैराग-श्रेणी एक व उपळे (दु.) - एक येथील दवाखान्यात 25 जून 2019 पासून वैद्यकीय अधिकाऱ्यांची बदल्या झाल्याने येथील जागा रिक्त झाल्या आहेत. 

शेतकऱयांसाठी खूशबर, दोन लाखांपर्यंतचे कर्ज माफ

वैराग पशुवैद्यकीय दवाखान्यांतर्गत 11 गावे येतात. त्यात वैराग गाव मोठे व महत्त्वाचे आहे. येथील वैद्यकीय इमारत नव्याने बांधण्यात आली असून लाखो रुपये खर्चून तयार करण्यात आली आहे. उपळे (दुमाला) या ठिकाणी तात्पुरत्या नियुक्‍त्यावर कामकाज चालू आहे. दुष्काळ, उपलब्ध नसलेला चारा, दूषित पाणी व वातावरणामुळे दुभती जनावरे आजारी पडून दगावण्याची संख्या वाढली आहे. त्यामुळे सर्वसामान्य शेतकरी, पशुपालक वर्गास खासगी डॉक्‍टरांकडे उपचार करण्यासाठी धावावे लागत आहे. चारा-पाणी टंचाईच्या काळात पशुपालक जगविलेल्या जनावरांना उपचाराविना पशुपालकवर्ग हतबल बनला आहे. 

वैराग व उपळे या दोन्ही पशुवैद्यकीय जागा वर्ग-एकच्या असल्याने शासनाकडून त्यांची नियुक्ती केली जाते. जिल्हा परिषदेला तो अधिकार नाही. त्यामुळे वैराग येथे डॉ. प्रमोद मांजरे व उपळे येथे डॉ. बापू क्षीरसागर यांची तात्पुरती नियुक्ती केलेली आहे. शासनाकडे पाठपुरावा चालू आहे. 
- शिवाजी कांबळे, बार्शी तालुका पशु वैद्यकीय अधिकारी 
 

महाराष्ट्र