Tragic sight near Sagarehswar Sanctuary—bodies of four deer found, raising serious questions on forest vigilance.Sakal
पश्चिम महाराष्ट्र
Sangli: ‘सागरेश्वर’जवळ ४ हरणांचा मृत्यू: अभयारण्यानजीकची घटना, वन्यजीव विभागाच्या कारभारावर प्रश्नचिन्ह..
काही दिवसांपासून वन्यजीव विभागाच्या अधिकाऱ्याच्या भोंगळ कारभाराने अभयारण्यांचा कारभार चव्हाट्यावर आला आहे. एकाच दिवशी चार हरणांचे मृतदेह सापडल्याने सागरेश्वर येथील कारभारावर प्रश्नचिन्ह निर्माण होत आहे.
देवराष्ट्रे : सागरेश्वर वन्यजीव अभयारण्याच्या कुंपणा- शेजारी चार हरणांचा मृत्यू झाला आहे. विशेष म्हणजे हरणांचा मृत्यू होऊन काही दिवस उलटले नाही, तोवर एकाच दिवशी चार हरणे मृत सापडल्याने वन्यजीव विभागाच्या कारभारावर प्रश्नचिन्ह उपस्थित होत आहे. सातत्याने होणारे हरणांच्या मृत्यूला जबाबदार अधिकाऱ्यांवर वन्यजीव कायद्यांतर्गत गुन्हा दाखल करण्यात यावा, अशी मागणी होत आहे.