मिरज : मालगाव (ता. मिरज) येथे मावा खाण्यास देण्यावरून झालेल्या वादावादीतून तरुणावर चाकूने हल्ला करण्यात आला. सचिन वसंत पाटील असे जखमी तरुणाचे नाव आहे. याप्रकरणी जखमी सचिनचा मित्र आनंदा काडाप्पा बरगाले (शास्त्रीनगर, मालगाव) यांनी सोहेल शाहिद मुजावर (मालगाव) याच्याविरोधात मिरज ग्रामीण पोलिसांत फिर्याद दाखल केली आहे. मंगळवारी (ता. ८) रात्री साडेबाराच्या सुमारास ही घटना घडली.
