टाकवे बुद्रुक - नाणे गावातील राजश्री शंकर नाणेकर यांची पुणे लोहमार्ग पोलिस दलात निवड झाली आहे. हलाखीच्या परिस्थितीवर मात देत राजश्री यांनी हे यश मिळवले असून मावळातील इतर मुलींसाठी त्या आदर्श ठरल्या आहेत..राजश्री शंकर नाणेकर यांचे मूळगाव नाणे. परंतु कार्ला येथे वास्तव्यास असून त्यांनी प्राथमिक शिक्षण बोरज, माध्यमिक शिक्षण भाजे, तर पुढील बारावीपर्यंतचे शिक्षण लोणावळा येथून पूर्ण केले. वडगाव येथील दुबेज गुरुकुलमध्ये प्रशिक्षण घेऊन बिहारीलाल दुबे यांच्या मार्गदर्शनाखाली २०२३ च्या राज्यस्तरीय वेटलिफ्टिंग स्पर्धेत ४५ किलो वजन गटात त्यांनी प्रथम क्रमांक पटकावला..त्यानंतर त्यांनी अनिकेत उडापे यांच्या मार्गदर्शनाखाली पुणे लोहमार्ग पोलिस भरतीसाठी तयारी केली. यंदा फेब्रुवारीत राजश्री यांनी पुणे ग्रामीण अधीक्षक कार्यालय येथे मैदानी परीक्षा तर १५ मार्च रोजी लेखी परीक्षा दिली. दोन्ही परीक्षेत तिने १५० पैकी १३७ गुण मिळवून हे यश मिळविले आहे. मनात जिद्द कायम असेल आणि प्रामाणिकपणे कष्ट केले, तर यश हे मिळतेच. नशिबालाही प्रयत्नांसमोर झुकावे लागते, हे राजश्री यांनी दाखवून दिले आहे. या यशाबद्दल नातेवाईक, मैत्रिणी तसेच अनेकांकडून राजश्री यांच्यावर अभिनंदनाचा वर्षाव होत आहे..खरंतर वेटलिफ्टर बनण्याचे माझे स्वप्न होते. परंतु काही अडचणींमुळे ते साकार झाले नाही. पुढे पोलिस बनण्यासाठी तयारी केली. आईचे कष्ट, माझ्या मनाची तयारी, कुटुंब, नातेवाइकांची भक्कम साथ आणि आधार यामुळे हे पद मला मिळवता आले.- राजश्री नाणेकर, नाणे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
