Maharashtra local politics controversy involving BJP opposition parties
sakal
पिंपरी : स्थायी समिती व सर्वसाधारण सभेची मान्यता नसलेल्या ‘बोगस’ उपसूचनांद्वारे ६० कोटी रुपयांच्या गैरव्यवहाराचे पडसाद मंगळवारी (ता. ५) महापालिका सर्वसाधारण सभेत पडले. राष्ट्रवादी काँग्रेस व शिवसेनेने गैरव्यवहाराचे वर्णन ‘घोटाळा’ असे केले. त्याला भारतीय जनता पक्षाच्या काही सदस्यांनी ‘‘या प्रकरणाला घोटाळा म्हणू नये’’, असा आक्षेप घेतला, तर काहींनी प्रकरणाच्या सखोल चौकशीची मागणी केली. त्यामुळे भाजप नगरसेवकांमध्येच एकवाक्यता नसल्याचे आढळून आले.
