Bhosari - भाजपचे शहराध्यक्ष, आमदार महेश लांडगे यांनी भोसरी विधानसभा मतदार संघात रविवारी (ता. ९) एकूण १३ ठिकाणी आखाडपार्टीचे आयोजन केले होते. या पार्टीसाठी एकूण पाच कोटी रूपयांचा खर्च झाला असावा, असा अंदाज व्यक्त करण्यात येत आहे.
या पार्टीत सुमारे १ लाख ३७ हजार जणांनी भोजनाचा आस्वाद घेतला. या वेळी तब्बल ४ टन मटण, २ टन चिकन फस्त करण्यात आले. राज्यातील ही ‘रेकॉर्डब्रेक’ आखाडपार्टी असावी, असा दावाही आयोजकांच्यावतीने करण्यात आला आहे.
आखाड पार्टीत एक लाख ३७ हजार जणांनी सहभाग नोंदवला आहे. ही पार्टी एकूण तेरा ठिकाणी आयोजित करण्यात आली होती. एक प्लेट ३५० रुपयांना पकडली तरी नुसत्या सामिष जेवणाचेच ४ कोटी ७९ लाख ५० हजार रुपये होतात. तर; शाकाहारींसाठी वेगळी सोय होती. एकूण सगळा थाट पाहता सुमारे ५ कोटी रुपये एका दिवसात खर्च झाले असावेत, अशी चर्चा शहरात आहे.
आषाढात मांसाहार करण्याची एक परंपरा आहे. मतदारसंघातील गोरगरीब, कष्टकरी, चाकरमानी यांच्यासोबत एकत्रितपणे आखाड पार्टी करण्यासाठी आम्ही १५ वर्षांपासून सुरुवात केली. त्याला आता भव्य स्वरूप प्राप्त झाले आहे. आपुलकीने नागरिक या स्नेहभोजनासाठी सहभागी होतात, याचे समाधान वाटते.
- महेश लांडगे, आमदार, भोसरी
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.