पिंपरी : महापालिकेच्या नागरी सुविधा केंद्रांतील (सीएफसी) सेवा शुल्कात दुप्पटीने वाढ केली आहे. विविध दाखल्यांच्या सेवाशुल्क संगणक प्रणालीमध्ये २० ऐवजी ५० रुपये आकारणी केली आहे. यामुळे विद्यार्थी व पालकांसह सामान्य नागरिकांत काहीशी नाराजी आहे. शाळा व महाविद्यालयीन विद्यार्थ्यांना जात, उत्पन्न, नॉन-क्रिमिलिअर, प्रमाणपत्र, स्कॉलरशिप फॉर्म व अन्य शैक्षणिक कामांसाठी कागदपत्रे मिळवण्यासाठी नागरी सुविधा केंद्रांवर अवलंबून राहावे लागते.