पिंपरी : कष्टकरी कामगार पंचायतीकडून कष्टकऱ्यांना जेवण

पिंपरी : कष्टकरी आणि असंघटित कामगारांची उपासमार होऊ नये, यासाठी कष्टकरी कामगार पंचायतीतर्फे पिंपरी येथे अन्नछत्र सुरू करण्यात आले आहे. या अन्नछत्रामधून रोज एक हजार कष्टकरी कामगारांना जेवण दिले जात आहे. 17 मे पर्यंत हे अन्नछत्र चालू राहणार आहे. 

ताज्या बातम्यांसाठी डाऊनलोड करा ई-सकाळचे ऍप

टाळेबंदीमुळे हातावर पोट असणारे रिक्षाचालक, धुणीभांडी, स्वयंपाक, सफाई कामगार, कागद-काच-पत्रावेचक, बांधकाम मजूर, फेरीवाले आदी कष्टकरी नागरिकांचे हाल सुरू आहेत. त्यांची उपासमार होऊ नये, यासाठी कष्टकरी कामगार पंचायतीच्या वतीने पिंपरी येथील महामानव डॉ. बाबासाहेब आंबेडकर पुतळा मागील अल्पाइन हॉटेल येथे 'भुकेलेल्यांना अन्न- एक हात मदतीचा' या उपक्रमांतर्गत अन्नछत्र (किचन) सुरू करण्यात आले आहे.

मावळवासीयांना ज्याची भीती होती, अखेर तेच झालं...

महानगरपालिकेच्या वतीने या अन्नछत्रास अधिकृत परवानगी देण्यात आली आहे. उद्योजक दिलीप तिलवानी आणि बशीर सय्यद यांच्या हस्ते कष्टकऱ्यांना पॅकेट वाटून अन्नछत्राला सुरुवात करण्यात आली. यावेळी कष्टकरी कामगार पंचायत अध्यक्ष बाबा कांबळे, उद्योजक राजू गिडवानी, अनिल शिंदे ,कार्याध्यक्ष बळीराम काकडे, सचिव प्रल्हाद कांबळे आदी उपस्थित होते. 

Video : पिंपरीत वाहन दुरुस्तीसाठी होतेय गर्दी

अन्नछत्राचे संयोजक बबन मिसाळ म्हणाले, "रोज सकाळी 8 ते दुपारी 1 वाजेपर्यंत जेवण तयार करण्याचे काम सुरू असते. गरजू लोकांना चपाती, भाजी, मसाले भात दिला जात आहे. बौद्ध पौर्णिमेमुळे गुरुवारी (ता. 7) खीरचाही जेवणात समावेश करण्यात आला. गरजू लोकांची आम्ही यादी तयार केली आहे. त्यानुसार एक हजार लोकांना जेवण दिले जात आहे. काही वेळेस अचानक लोक येऊन जेवणाची मागणी करतात. त्यामुळे आम्हाला किमान 200 लोकांसाठी जादा जेवणाची पाकिटेही तयार ठेवावी लागतात. कुदळवाडी, निगडी ओटा स्कीम, मोशी, रुपीनगर भागांतही आम्ही अन्नवाटप करत आहोत.'' 

पिंपरी चिंचवडच्या बातम्या वाचण्यासाठी येथे ► क्लिक करा

रिक्षाचालक, घरेलु कामगार, बांधकाम मजूर, कागद काच पत्रा वेचक, फेरीवाले आदी कष्टकरी, असंघटीत कामगार यांना चपाती, भाजी, वरण-भाताची पाकिटे घरपोच देण्यात आहेत. ज्यांना अन्नाचे पाकिटे पाहिजे असतील, त्यांनी बबन मिसाळ, मो. 9766072222 या क्रमांकावरती संपर्क करावा, असे आवाहन पंचायतीने केले आहे.