अजित पवारांकडून पिंपरी-चिंचवडमधील 'जम्बो फॅसिलिटी'ची पाहणी, म्हणाले...

अजित पवारांकडून पिंपरी-चिंचवडमधील 'जम्बो फॅसिलिटी'ची पाहणी, म्हणाले...

पिंपरी : कोरोनावर नियंत्रण मिळविण्यासाठी राज्य सरकार सर्वतोपरी प्रयत्न करीत आहे. योग्य नियोजन करून मुंबईतील रुग्णवाढीवर नियंत्रण मिळविले आहे. आता पुणे, पिंपरी-चिंचवडसह राज्यातही युद्ध पातळीवर काम सुरू आहे. सरकारच्या या कामात इतर सामाजिक संस्थांनी देखील पुढे यावे, असे आवाहन उपमुख्यमंत्री अजित पवार यांनी केले. 

पिंपरी-चिंचवडच्या बातम्या वाचण्यासाठी येथे ► क्लिक करा

कोरोनावर मात करण्यासाठी महापालिकेतर्फे नेहरूनगर येथील अण्णासाहेब मगर स्टेडियम, चिंचवड स्टेशन येथील ऑटो क्‍लस्टर सभागृह व पिंपरीतील बालनगरी येथे 'जम्बो फॅसिलिटी' रुग्णालय उभारण्यात येत आहे. मगर स्टेडियम येथील कामाची पाहणी उपमुख्यमंत्री पवार यांनी केली. ते म्हणाले, "पिंपरी-चिंचवडमध्ये कोरोनाबाधितांचा आकडा वीस हजारांपेक्षा जास्त असला, तरी साडेसतरा हजारांहून जास्त रुग्ण बरे होऊन घरी गेले आहेत. आगामी काळात आणखी रुग्ण संख्या वाढण्याचा धोका विचारात घेऊन आण्णासाहेब नगर स्टेडियम, ऑटो क्‍लस्टर व बालनगरी येथे जम्बो फॅसिलिटी रुग्णालय उभारण्यात येत आहेत. कमीत कमी वेळात जास्तीत जास्त सुविधा उपलब्ध करून देण्यासाठी राज्य सरकार व महापालिका काम करीत आहे. वायसीएम रुग्णालय कोविडसाठी समर्पित केले आहे.'' 

पुण्याच्या बातम्या वाचण्यासाठी येथे क्लिक करा

दरम्यान, राजमुद्रा ग्रुप व राजू मिसाळ मित्र परिवाराने वायसीएम रुग्णालयासाठी 45 ऑक्‍सिजन सिलिंडर पवार यांच्या हस्ते भेट दिले. राष्ट्रवादी कॉंग्रेसचे शहराध्यक्ष संजोग वाघेरे, ज्येष्ठ नगरसेवक योगेश बहल, विरोधी पक्षनेते नाना काटे, नगरसेवक राजू मिसाळ, शिवसेना गटनेते राहुल कलाटे, आयुक्त श्रावण हर्डीकर आदी उपस्थित होते. तसेच, अत्यावश्‍यक सेवेसाठी दुर्गादेवी टेकडी येथे ट्रॉली स्ट्रेचर व फोल्डींग स्ट्रेचर भेट दिले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com