PCMC News : दिघीतील भूमिगत विद्युत वाहिन्यांचे काम अपूर्ण, खांबांवर जोडांचे जाळे; ठिणग्या उडण्याचे प्रकार, अपघाताचाही धोका

भोसरी : दिघी गावठाण आणि परिसरातील काही भागांत विद्युत तारा भूमिगत करण्याचे काम सात वर्षांनंतरही अपूर्णावस्थेतच आहे. त्यामुळे विद्युत खांबांवर तारांचे जाळे तयार झाले आहे. जोराचा वारा आल्यावर तेथे ठिणग्या उडून विद्युत पुरवठा खंडित होत आहे. काही भागांत विद्युत तारांचे जाळे इमारतीतील गॅलरीला खेटून गेल्याने विजेचा धक्का बसून अपघात होण्याचीही शक्यता निर्माण झाली आहे.