कौतुकास्पद : कोरोनाशी लढण्यासाठी तरुण अभियंत्यानी बनवलं 'सॅनिशूटर', कसं काम करत वाचा

पिंपरी : कोविड-19 या विषाणूंमुळे जगातील दोनशे तीस देशांमध्ये कोरोना या प्राणघातक आजाराने हाहाकार माजविला आहे. यावर निगडी-प्राधिकरणातील तरुण अभियंता आदित्य आसबे याने उपाय शोधला असून 'सॅनिशूटर' हे मनगटी सॅनिटायझर बनवले आहे. 

ताज्या बातम्यांसाठी डाऊनलोड करा ई-सकाळचे ऍप 

दिवसेंदिवस जगात या आजाराचा प्रादुर्भाव आणि त्यामुळे मृत्युमुखी पडणाऱ्या व्यक्तींची संख्या वाढते आहे. कोरोनाबाधित रुग्णांच्या संख्येत भारताचे स्थान झपाट्याने वरच्या दिशेने जात आहे. कोरोनावर रामबाण औषध किंवा लस अजूनपर्यंत जनसामान्यांपर्यंत पोचलेली नाही. या पार्श्‍वभूमीवर वैद्यकीय क्षेत्रातील तज्ज्ञांनी कोरोनासोबत जगण्याचा सल्ला दिला आहे. या आजाराला प्रतिबंध करण्यासाठी सांगितलेल्या उपायांपैकी सॅनिटायझरने वारंवार हात स्वच्छ करणे हा एक प्रभावी उपाय आहे. उपजीविका आणि अन्य कामांसाठी घराबाहेर पडल्यावर सॅनिटायझरची बाटली सतत सोबत बाळगणे जिकिरीचे असते. 

पिंपरी-चिंचवडच्या बातम्या वाचण्यासाठी येथे ► क्लिक करा

यावर निगडी-प्राधिकरणातील आदित्य आसबे या तरुणाने दिसायला आकर्षक, वजनाला अतिशय हलके असे 'रिस्ट बॅण्ड'च्या स्वरूपातील मनगटाला बांधता येईल किंवा मनगटी घड्याळाला सहज जोडता येईल असे 'सॅनिशूटर' हे उपकरण निर्माण केले आहे. त्यामध्ये पंचवीस मिलीलिटर एवढे सॅनिटायझर भरले, की त्यातून तीनशे वेळा सॅनिटायझरचे सिंचन करता येते. सरासरी पाच दिवस हे द्रावण पुरते; आणि संपले की पुन्हा भरता येते. पर्यावरणाचा विचार करून सॅनिशूटर हे कमीतकमी प्लॅस्टिकचा वापर करून बनविण्यात आले आहे. यासाठी ओंकार मुळजे या मित्राने आदित्यला सहकार्य केले आहे.

पुण्याच्या बातम्या वाचण्यासाठी येथे क्लिक करा

Edited by : Shivnandan Baviskar