लोणावळ्यात असं होणार गणरायाचं विसर्जन

लोणावळ्यात असं होणार गणरायाचं विसर्जन
Updated on: 

लोणावळा (पुणे) : गेले दहा दिवस मनोभावे पूजा केलेल्या गणेशाला निरोप देण्यासाठी लोणावळेकर सज्ज झाले आहे. मात्र, कोरोनामुळे मिरवणूक विरहित विसर्जन करण्यासाठी पुढाकार घेण्यात आला आहे. मंगळवारी (ता. 1) अनंत चतुर्दशीला विसर्जनासाठी नगरपरिषद प्रशासनाच्या वतीने उपाययोजना करण्यात येत आहेत, अशी माहिती नगराध्यक्षा सुरेखा जाधव व मुख्याधिकारी रवी पवार यानी दिली. 

सध्या उद्भवलेल्या कोरोना संसर्गजन्य रोगाच्या पार्श्वभूमीवर अनेक निर्बंध आलेले आहेत. राज्य सरकारने या बाबत सविस्तर धोरण व नियम दिलेले आहेत. कोरोनाचा संसर्ग रोखण्यासाठी गर्दी टाळत साध्या पद्धतीने गणेशोत्सव साजरा करण्यात येत आहे. त्यामुळे मिरवणुकीस फाटा देत मनोभावे पूजा केलेल्या लाडक्‍या गणेशाचे शांततेत विसर्जन करण्याचे आवाहन सार्वजनिक गणेश मंडळांना करण्यात आले होते. मंडळांनीही सकारात्मक भूमिका घेत गणेश मूर्ती एका वाहनावर आरुढ करीत विसर्जन करण्यासाठी पुढाकार घेतला आहे. भांगरवाडीतील मारुती मंदिरालगत इंद्रायणी नदीपात्रातील घाटाची नगरपालिकेच्या वतीने स्वच्छता करण्यात आली आहे. विसर्जनप्रसंगी याठिकाणी कोणताही अनुचित प्रकार घडू नये यासाठी नगरपरिषदेच्या वतीने स्वच्छता, बांधकाम, आरोग्य खात्यासह विद्युत विभागातील कर्मचारी नेमण्यात आले आहे. 

पिंपरी-चिंचवडच्या बातम्या वाचण्यासाठी येथे ► क्लिक करा

मंगळवारी येथील मावळा पुतळा चौकात विसर्जन मिरवणुकीत दुपारी तीन वाजता मंडळांनी पुजेच्या मूर्ती यात सहभागी कराव्यात व साधारण तासाभरात मिरवणूक समाप्त करावी, असे आवाहन मंडळांना करण्यात आले. प्रदूषण टाळत स्वच्छता व पावित्र्य राखण्यासाठी गणेशमूर्तीचे प्रतिकात्मक विसर्जन करण्यासाठी नगरपालिकेच्या वतीने डॉ. बी. एन. पुरंदरे विद्यालयाच्या मैदानात कृत्रिम हौदाची व्यवस्था करण्यात आली असून, नागरिकांनी याठिकाणी विसर्जन करावे, असे आवाहन नगराध्यक्षा सुरेखा जाधव व मुख्याधिकारी रवी पवार यांनी केले आहे. 

  • प्रत्येक मंडळांच्या पाच कार्यकर्त्यांनाच मिरवणूक पास 
  • स्वागत कक्ष उभारण्यास परवानगी नाही 
  • मावळ पुतळा ते इंद्रायणी घाट असे एकच मिरवणूक वाहनाचे नियोजन 
     

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Wakad School Relocation Controversy: Students' Safety Under High Voltage Power Lines Raises Concerns
Hinjawadi Metro Parking Problem Persists Despite Rising Passenger Footfall :
YCM Hospital Drug Quality Issues: FDA Seizes Medicines Worth Rs 1.90 Crore
Pimpri Chinchwad Waste Management Issue Raised in Municipal General Body Meeting