Hinjewadi police instruct RMC truck owners on strict safety rules to curb rising road accidents in the IT park area.
Sakal
हिंजवडी : ‘‘आयटी पार्क हद्दीत रेडीमिक्स काँक्रिट (आरएमसी) व बांधकाम साहित्य वाहणाऱ्या अवजड वाहनांमुळे अपघात वाढले आहेत. यापुढे असे प्रकार घडल्यास संबंधित वाहनांच्या मालकांनाच जबाबदार धरण्यात येईल,’’ अशा कठोर शब्दांत पोलिसांनी ‘समज’ दिली आहे. हिंजवडी आणि परिसरात अवजड वाहनांमुळे होणारे अपघात रोखण्याच्या पोलिस ठाण्यात बैठकीचे आयोजन नुकतेच केले होते. यावेळी ३८ आरएमसी प्लॅंटमालक आणि चालकांना कानपिचक्या दिल्या. बैठकीला हिंजवडी ठाण्याचे वरिष्ठ पोलिस निरीक्षक बालाजी पांढरे, वाहतूक विभागाचे पोलिस निरीक्षक राहुल सोनवणे आणि वाकडचे सहाय्यक पोलीस निरीक्षक मधुकर थोरात यांनी मालक-चालकांना अनेक मुद्दे स्पष्ट करून सांगितले.