तळेगाव स्टेशन - ‘रोप’ तुटून लिफ्ट सातव्या मजल्यावरून आदळली. या दुर्घटनेत गंभीर जखमी झालेल्या युवकाचा उपचारादरम्यान मृत्यू झाला. ही दुर्घटना सहा डिसेंबरला तळेगाव दाभाडे येथे घडली होती. .याबाबत पोलिसांकडून मिळालेल्या माहितीनुसार, ‘नूतन कॉलेजमागील निसर्ग सोसायटीत ‘रोप’ तुटल्याने लिफ्ट सातव्या मजल्यावरून तळमजल्यावर आदळली. यात दिनेश रामा सुरंगे (वय ३५, रा. निसर्ग सोसायटी, नूतन कॉलेजजवळ, तळेगाव दाभाडे) हे गंभीर जखमी झाले. त्यांना जवळच्या खासगी रुग्णालयात उपचारासाठी दाखल करण्यात आले होते..मात्र, दुसऱ्या दिवशी रविवारी (ता. ७) पहाटेच्या सुमारास उपचारादरम्यान दिनेश यांचा मृत्यू झाला. तळेगाव दाभाडे प्राथमिक आरोग्य केंद्रात उत्तरीय तपासणी करुन त्यांचा मृतदेह नातेवाइकांच्या ताब्यात देण्यात आला..‘सदर दुर्घटनेची सखोल चौकशी करावी, दिनेश यांच्या कुटुंबाला आर्थिक मदत करावी,’ अशी मागणी त्यांच्या नातेवाइकांनी केली आहे. अधिक तपास पोलिस उपनिरीक्षक रवींद्र खामगळ हे करत आहेत.इमारतीचा अत्यावश्यक भाग म्ह्णून लिफ्टची सुरक्षितता आणि देखभाल हे सोसायटी व्यवस्थापनाचे कर्तव्य आणि जबाबदारी असते..लिफ्टच्या वॉरंटी पीरियडदरम्यान लिफ्ट उत्पादक कंपनी देखभाल, दुरुस्ती करते. पण, वॉरंटी संपल्यानंतर देखभाल- दुरुस्तीसाठी उत्पादक कंपनीकडून भरमसाठ दर आकारणी केली जाते. त्यामुळे सोसायटीकडून लिफ्टची देखभाल बहुतांश वेळा त्रयस्थ कंपनीकडे दिली जाते.कायदेशीर तरतुदींप्रमाणे सरकारच्या उद्वाहन निरीक्षकांकडून (लिफ्ट इन्स्पेक्टर) वर्षातून किमान दोन वेळा लिफ्टची करण्याचे निर्देश आहेत. पण, त्याकडे दुर्लक्ष केले जाते..लिफ्टची नियमित देखभाल न होणे, कंत्राटदार बदलणे, सुरक्षिततेबाबत दुर्लक्ष, आपत्कालीन पॉवर बॅकअप नसणे, अलार्म आणि इंटरलॉकची तपासणी न करणे आदी कारणांमुळे लिफ्टमध्ये बिघाड होऊन अपघातांची शक्यता वाढते. त्यामुळे लिफ्टच्या देखभालीकडे दुर्लक्ष करणे वापरकर्त्यांसाठी जीवघेणे ठरू शकते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
