Kamshet Railway Station: कामशेत रेल्वे स्थानकाची दुरवस्था; प्रवाशांची सुरक्षितता धोक्यात, सीसीटीव्ही, पोलिस बंदोबस्ताचा अभाव

तळेगाव दाभाडे : पुणे-लोणावळा मार्गावरील प्रमुख असलेले कामशेत रेल्वे स्थानक सध्या प्रवाशांसाठी गैरसोयीचे व असुरक्षित ठरत आहे. विद्यार्थी, कामगार, दुग्धव्यावसायिक, व्यापारी तसेच महिला प्रवाशांची मोठ्या प्रमाणात वर्दळ असतानाही स्थानकावर मूलभूत सुविधांचा अभाव दिसून येत आहे. प्रवाशांच्या सुरक्षेसाठी पोलिस बंदोबस्त व सीसीटीव्ही व्यवस्थाही अद्याप उपलब्ध नाही.