पिंपरी ः वाकड-काळेवाडी फाटा येथील पिंपरी-चिंचवड नवनगर विकास प्राधिकरणाच्या मोकळ्या भूखंडावर नेहमी कचरा जाळला जात आहे. तेथे लोक उघड्यावर शौचास बसत असून दारु पिण्यासाठी देखील जागेचा वापर केला जात आहे. त्यामुळे, आजूबाजूच्या सोसायट्यांमधील नागरिकांना त्याचा त्रास होत आहे.
पुण्याच्या बातम्यांसाठी येथे क्लिक करा
दरम्यान, सदर जागा प्राधिकरणाच्या मालकीची असूनही प्राधिकरणाकडून जागेची अजिबात देखभाल होत नाही. तसेच वरील प्रकारांची दखल घेऊन ठोस उपाय-योजना केल्या जात नसल्याचा आरोप स्थानिक सोसायट्यांमधील नागरिकांनी केला आहे.
कावेरीनगर येथील र्हिदम अपार्टमेंटचे सचिव अभिजीत गरड म्हणाले,""या भूखंडाच्या गैरवापराचा आमच्या सोसायटीमधील रहिवाशांना दररोज सर्वाधिक त्रास होत आहे. केबल, टायर किंवा कचरा जाळला जात आहे. त्याने, सर्वत्र प्रदूषण होत आहे. अनेक लोक तेथे उघड्यावर शौचास बसत असल्याने दुर्गंधी सहन करावी लागते. तसेच दारु पिण्यासाठी देखील याच जागेचा वापर होत आहे. आम्ही स्थानिक नगरसेवकांच्या माध्यमातून प्राधिकरणाकडे पाठपुरावा केला. मात्र, तात्पुरत्या कारवाई व्यतिरिक्त प्राधिकरण प्रशासन काहीही कायमस्वरुपी ठोस उपाय-योजना करत नाही. त्यामुळे, या समस्या काही दिवसांत पुन्हा सुरु होतात. या समस्यांची वारंवारता दिवसेंदिवस वाढत असून पावसाळ्यात या समस्या अधिक तीव्र होऊन आजार पसरण्याची शक्‍यता आहे.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.