लोणावळा : पुणे ग्रामीण पोलिस दलातील लोणावळा शहर पोलिस ठाणे "स्मार्ट' पोलिस ठाणे ठरले आहे. लोणावळा पोलिस ठाण्याने आयएसओ 9001 : 2015 मानांकन प्राप्त झाले असून, शहर पोलिस दलाच्या शिरपेचात मानाचा तुरा रोवला गेला आहे. पुणे ग्रामीणचे पोलिस अधीक्षक संदीप पाटील यांनी लोणावळा शहर पोलिस ठाण्याचे वरिष्ठ पोलिस निरीक्षक मनोजकुमार यादव यांना प्रमाणपत्र प्रदान करत उत्तम कामगिरीसाठी शुभेच्छा दिल्या.
पुण्याच्या बातम्या वाचण्यासाठी येथे ► क्लिक करा
शहरात कायदा सुव्यवस्था राखण्याबरोबर तंत्रज्ञानाचा यशस्वी वापर करीत गुणवत्तापूर्ण कामगिरीसाठी लोणावळा पोलिस ठाण्यास स्मार्ट A++ श्रेणी देत गौरविण्यात आले. पुणे ग्रामीणचे पोलिस अधीक्षक संदीप पाटील, अप्पर पोलिस अधीक्षक विवेक पाटील, सहायक पोलिस अधीक्षक नवनीत कॉंवत यांच्या मार्गदर्शनाखाली पोलिस निरीक्षक मनोजकुमार यादव यांनी सामाजिक सलोखा राखण्यासाठी पुढाकार घेतला.
कोरोनाच्या संकटकाळात पोलिस दलाच्या वतीने उत्तम बंदोबस्त राखला होता. पोलिसांविषयी सर्वसामान्यांच्या मनात विश्वासाची भावना निर्माण करीत गुन्हेगारीस आळा घालण्यासाठी विशेष प्रयत्न करू, असा विश्वास पोलिस निरीक्षक मनोजकुमार यादव यांनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.