पिंपरी : शहरातील विविध भागांत मॉन्सूनपूर्व देखभाल-दुरुस्तीच्या कामे चालू असून, 'महावितरण'च्या भोसरी विभागातील कामे जवळपास पूर्ण झाली आहेत. मात्र, पिंपरी विभागातील पिंपरी गावठाण, कॅम्प, पिंपळे निलख, विशालनगर, वाकड आदी भागांमध्ये अजून कामे शिल्लक असून, ती आणखी महिनाभर लांबण्याची शक्‍यता आहे.
पुण्याच्या बातम्या वाचण्यासाठी येथे ► क्लिक करा
शहरात महावितरण कंपनीचे भोसरी आणि पिंपरी, असे दोन विभाग येतात. भोसरी विभागातील 80 टक्के कामे पूर्ण झाली आहेत. मात्र, पिंपरी विभागाच्या कार्यक्षेत्रातील कामे अजून प्रलंबित आहेत. पिंपरी विभागात वाकड, हिंजवडी, सांगवी, पिंपळे सौदागर, पिंपळे गुरव, पिंपळे निलख, पुनावळे आदी भाग येतो. महावितरण कंपनीच्या पिंपरी विभागामध्ये पाच ते सहा कंत्राटदार असून, त्यांच्यामार्फत देखभाल-दुरुस्तीची कामे करून घेतली जातात. मात्र, राज्यात टाळेबंदी लागू जाहीर झाल्यापासून महावितरणच्या पिंपरी विभागाच्या कंत्राटदारांना मजूरांची वानवा कमी-अधिक भासत होती. त्यामुळे या विभागात मॉन्सूनपूर्व देखभाल-दुरुस्तीची कामे प्रलंबित आहेत.
महावितरणचे कार्यकारी अभियंता शिवाजी वायफळकर (पिंपरी विभाग) म्हणाले, "कंत्राटदारांकडील मजूर गावी गेल्याने देखभाल-दुरुस्तीची कामे थंडावली होती. मात्र, आता बराचसा प्रश्‍न सुटला आहे. आतापर्यंत 80 टक्के कामे पूर्ण झाली आहेत. परंतु, यापुढील कामे जसा वेळ मिळेल, तशी मार्गी लावली जातील. बहुतेक भागांतील 15 ते 20 टक्के कामे बाकी आहेत. पिंपरी कॅम्प परिसरातही कामे होणार आहेत. येत्या महिनाभरापर्यंत ही कामे चालू राहतील.'' महावितरणचे भोसरी विभागात सुमारे सव्वा दोन लाख तर पिंपरी विभागात 3 लाखांहून अधिक ग्राहक आहेत.
पिंपरी चिंचवडच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.