पिंपरी - न्यायालयात पोटगीचा दावा दाखल केल्याने पतीने विभक्त राहणाऱ्या पत्नीच्या गळ्याला कोयता लावत लिंबू पिळून जबरदस्तीने शारीरिक संबंध केले. याप्रकरणी पीडित ३६ वर्षीय महिलेने सांगवी पोलिस ठाण्यात फिर्याद दिली. त्यानुसार तिच्या पतीवर गुन्हा दाखल झाला आहे.
पीडितेचे २००४ मध्ये लग्न झाले होते. पती चारित्र्यावर संशय घेत असल्याने त्यांच्यात वाद झाले. त्यानंतर दोघे विभक्त झाले. पोटगीसाठी पीडितेने न्यायालयात दावा दाखल केला. दरम्यान, पीडितेचा पती एक जून २०२४ ला सदनिकेमधून साहित्य शिफ्टिंग करीत होता. त्यावेळी पीडित तेथे गेली. तेव्हा सदनिकेमधील साहित्य पार्किंगमध्ये आणले होते.
तुला काही साहित्य मिळणार नाही, असे बोलून पती सदनिकेमध्ये गेला. मुलांचे साहित्य आणण्यासाठी पीडिता सदनिकेमध्ये गेली. दरम्यान, पीडित महिलेच्या पतीने दारूच्या नशेत पत्नीला शिवीगाळ केली. पीडित महिलेच्या गळ्याला कोयता लावून लिंबू पिळून तिच्याशी जबरदस्तीने शारीरिक संबंध केले. तसेच ‘हे कोणाला सांगितल्यास खून करेन,’ अशी धमकी दिली.
या प्रकरणाबाबत पोलिस ठाण्यात तक्रार केल्यानंतर सुरुवातीला दखल घेतली गेली नाही. दरम्यान, वरिष्ठ अधिकाऱ्यांकडे पाठपुरावा केल्यानंतर हा गुन्हा दाखल झाला. पीडितेला मनोधैर्य योजनेंतर्गत आर्थिक मदत उपलब्ध होणे आवश्यक आहे. त्यासाठी पोलिसांनी सहकार्य करावे, तसेच यामध्ये जिवे मारण्याचा प्रयत्न व जादूटोणाविरोधी कायद्यानुसार कलमवाढ करावी.
- दीपक कांबळे, उपाध्यक्ष, पुणे जिल्हा एआयएमआयएम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.