भोसरी - बिहारवरून भोसरीतील लग्नाला आलेल्या पाल कुटुंबातील चार वर्षांची तृप्ती घरातून गायब होती. नागरिकांच्या प्रसंगावधानामुळे ती आईच्या कुशीत सोमवारी (ता. २) सायंकाळी विसावली. आईने साश्रूनयनांनी उपस्थितांचे आभार मानले..भोसरीतील आदिनाथनगरमधील लग्नासाठी अजय पाल यांचे कुटुंबीय तीन दिवसांपूर्वी बिहारवरून आले होते. सोमवारी (ता. २) चार वर्षाच्या तृप्ती हिला खाऊसाठी पैसे दिले. ती खाऊ घेण्यासाठी मुख्य रस्त्यावर दुपारी दोनला आली..मात्र, घराकडील रस्ता विसरल्याने ती रडतच आदिनाथनगर ते लांडेवाडीच्या रस्त्याने फिरत होती. एका जागृत नागरिकाच्या हे लक्षात आल्यानंतर त्यांनी त्या मुलीस दुपारी तीनला माजी नगरसेवक अॅड. नितीन लांडगे यांच्या लांडेवाडीतील संपर्क कार्यालयात सोडले. भेदरलेल्या अवस्थेतील तृप्तीला अॅड. लांडगे यांनी आधार दिला. त्यांच्या कार्यालयात ती तासभर झोपली..लांडगे यांनी तिचा फोटो समाज माध्यमावर टाकत परिसरातील सोसायट्यांमध्ये शोधण्यासाठी कार्यकर्त्यांनाही पाठवले. अॅड. लांडगे यांनी भोसरी पोलिसांना याची माहिती दिली. अॅड. लांडगे यांचे मित्र आदिनाथनगरमध्ये राहतात. त्यांना माहीत होते की, त्या ठिकाणी पाल कुटुंब राहत आहे. त्यांनी आदिनाथनगरमध्ये जाऊन त्यांच्याशी संपर्क साधला. तेव्हा तृप्ती ही त्यांच्याच कुटुंबातील असल्याची माहिती मिळाली..भोसरी पोलिस ठाण्याचे हवालदार सुहास भोस आणि मोहन पवार हे लांडगे यांच्या कार्यालयात पोचले. तेव्हा तृप्तीची आई राणी पाल आणि तिचा मामा पोचले होते. पोलिसांनी ओळख पटवून, तृप्तीला तिच्या आईकडे सुपूर्त केले. त्यावेळी तृप्ती तिच्या आईला रडतच बिलगली. आईच्या डोळ्यातूनही आनंदाश्रू वाहत होते..पाल कुटुंबीय अनभिज्ञदुपारी दोन वाजल्यापासून तृप्ती घरातून गायब होती. मात्र, ती तिचे वडील अजय पाल यांच्यासोबत गेल्याचा समज पाल कुटुंबीयांचा झाला. त्याचप्रमाणे घरामध्ये लग्नाची गडबड असल्याने तृप्तीकडे कोणाचेही लक्षही नव्हते. कुटुंबीयांकडे चौकशी केल्यानंतर घडलेला प्रकार उघडकीस आला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
