पिंपरी - शहरात दिवसेंदिवस कोरोना रुग्णांची संख्या वाढत आहे. मात्र, नागरिकांचा निष्काळजीपणा दृष्टीस पडत आहे. भाजी मंडई, किराणा दुकान, मॉल, हॉटेल-रेस्टॉरंट, मंगल कार्यालये, खाऊ गल्ल्या, बिअरबार, पीएमपी स्थानके ही गर्दीने गजबजलेली दिसत आहेत. सोशल डिस्टंन्सिंगचे व मास्क न लावता नागरिक वावरत आहेत.
- पुण्याच्या बातम्या वाचण्यासाठी येथे ► क्लिक करा
शहरात बऱ्याच ठिकाणी गर्दीचे स्पॉट ठरलेले आहे. होलसेल दरात वस्तू किंवा इतर साहित्य मिळणाऱ्या ठिकाणी गर्दीचा ओढा जास्त आहे. उद्याने सुरू झाली आहेत. मात्र, नागरिक सोशल डिस्टन्स राखताना दिसत नाहीत. ज्येष्ठ नागरिक जिवाची पर्वा न करता बिनधास्तपणे उद्यानात भटकत आहेत. बऱ्याच जणांनी वाढदिवस, बारसे, मुंजीचे कार्यक्रम देखील थाटामाटात साजरे करणे सुरू केले आहे. त्याचबरोबर नियमांचे उल्लंघन करून पन्नासच्यावर माणसे जमविली जात आहेत. बऱ्याच जणांनी लग्नानंतरच्या पूजेचा सोहळा देखील थाटामाटात केला आहे.
नागरिक नियमांचे काटेकोर पालन करत नसल्याने कोरोनाच्या दुसऱ्या लाटेची भीती सतावत आहे. पुन्हा पहिल्या लॉकडाउनच्या सुरुवातीचे दिवस पूर्ववत होण्याची चिंता नागरिकांना घोंघावू लागली आहे., तर दुसरीकडे पोटमारा होणार नाही ना ही देखील भीती नागरीकांना आहे. मास्क न घालता फिरणे, रस्त्यावर थुंकणे, पिचकाऱ्या मारणे याबाबत नागरीकांना जराही संकोच राहिला नाही. सर्रासपणे बिनदिक्कत वावरत आहेत. महापालिका व पोलिस प्रशासन कारवाई कडकपणे राबवताना नागरिक अरेरावीची भाषा करत आहेत. नियमांचा भंग करून प्रशासनाला दंडाबाबत हुज्जत घालताना चौकाचौकात काही युवक दिसत आहेत.
फेब्रुवारीमधील कारवाई
आमच्या पोटापाण्याचा प्रश्न आहे. गर्दीच्या ठिकाणीच व्यवसाय होतो. ज्या ठिकाणी नागरिक येत नाहीत, अशा ठिकाणी आमचा धंदा कसा होणार? व्यवसाय संकटात आहे. रोज रस्त्यावर उभा राहूनच व्यवसाय करावा लागतो. तेव्हा पोटाचा प्रश्न मिटतो.
- भाजी विक्रेता
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.