व्यवसायिकाचा खून करुन फरार आरोपीला उत्तरप्रदेशमधून अटक 

पिंपरी : व्यवसायातील आर्थिक वादातून तरुणाचा खून केल्यानंतर तीन महिन्यापासून फरारी असलेल्या आरोपीला वाकड पोलिसांनी उत्तरप्रदेश मधून अटक केली. 

संदीप ऊर्फ घुंगरु लालजी कुमार (वय 21, रा. मु. जनी, पो. रामापुर, ता. ज्ञानपुर, जि. भदोही उत्तरप्रदेश) असे अटक करण्यात आलेल्या आरोपीचे नाव आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

व्यवसायातील आर्थिक वादातून आरोपी गणेश सुभेदार पवार व त्याच्या साथीदारांनी रहाटणी येथील संतोष अंगरख यांचे अपहरण केले. त्यानंतर 16 ऑगस्टला कासारसाई येथे त्यांचा खून करून पुरावा नष्ट करण्याच्या उद्देशाने मृतदेह तेथेच पुरला.

महाविकास आघाडीतील घटक पक्षांची मंचरसाठी नगरपंचायतीची मागणी

या गुन्ह्यात पोलिसांनी तीन आरोपींना अटक केली होती. तर, दोन आरोपी फरारी झाले होते. त्यापैकी संदीप कुमार याला वाकड पोलिसांनी उत्तर प्रदेशातून अटक केली आहे. तांत्रिक माहिती व इतर माहितीच्या आधारावर पोलिसांना आरोपीपर्यंत पोहचण्यात यश आले.