मावळात दिवसभरात ४५ नवे पॉझिटिव्ह, तर चौघांचा मृत्यू 

वडगाव मावळ (पुणे) : मावळ तालुक्यात रविवारी दिवसभरात ४५ जणांचे कोरोना चाचणी अहवाल पॉझिटिव्ह आले, तर चौघांचा मृत्यू झाला. तालुक्यातील एकूण रुग्ण संख्या एक हजार १०९, तर मृतांची संख्या ३५ झाली आहे. ६८५ जणांनी कोरोनावर मात केली आहे.

- ताज्या बातम्यांसाठी डाऊनलोड करा ई-सकाळचे ऍप 

सुदुंबरे येथील ९७ वर्षीय, ब्राम्हणवाडी येथील ६७ व ५७ वर्षीय पुरुष, तर तळेगाव येथील ६४ वर्षीय महिलेचा मृतांमध्ये समावेश आहे. त्यांना इतरही काही आजार होते.  रविवारी कोरोना पॉझिटिव्ह आलेल्या ४५ जणांमध्ये तळेगाव दाभाडे येथील सर्वाधिक नऊ, लोणावळा येथील सहा, वडगाव, वराळे, गहुंजे, बेबडओहळ व शिवणे येथील प्रत्येकी तीन, सुदुंबरे व नवलाख उंब्रे येथील प्रत्येकी दोन; तर ब्राम्हणवाडी, कामशेत, माऊ, ऊर्से, धामणे, इंदोरी, कान्हे, शिरगाव, चिखलसे, वहाणगाव व वाकसई येथील प्रत्येकी एक जणाचा समावेश आहे.

- पर्यटनास बंदी, तरीही गेले हे महारथी अन् थेट गोळीबारचं

- पिंपरी-चिंचवडच्या बातम्या वाचण्यासाठी येथे ► क्लिक करा

तालुक्यातील कोरोना रुग्णांची संख्या एक हजार १०९ झाली असून, त्यात शहरी भागातील ५४६, तर ग्रामीण भागातील ५६३ जणांचा समावेश आहे. तळेगावात रुग्ण संख्येचा ओघ सुरूच असून, तेथील संख्या ३६४ झाली आहे. लोणावळा येथे १०५, तर वडगाव येथील रुग्ण संख्या ७७ झाली आहे. तालुक्यात आतापर्यंत ३५ जणांचा मृत्यू झाला आहे. दिलासादायक बाब म्हणजे ६८५ जणांनी कोरोनावर मात केली आहे. रविवारी ५४ जणांना घरी सोडण्यात आले. 

- पुण्याच्या बातम्या वाचण्यासाठी येथे क्लिक करा

तालुक्यात सध्या ३८९ सक्रिय रुग्ण आहेत. त्यातील २६३ जण लक्षणे असलेले व १२६ जण लक्षणे नसलेले रुग्ण आहेत. लक्षणे असलेल्या २६३ जणांपैकी १९४ जणांमध्ये सौम्य तर ५४ जणांमध्ये मध्यम स्वरूपाची लक्षणे आहेत. १४ जण गंभीर, तर एक जण अत्यवस्थ आहे. सध्या ३६५ जणांवर विविध ठिकाणी उपचार सुरु असून, २४ जण गृहविलगीकरणात असल्याची माहिती तहसीलदार मधुसूदन बर्गे, तालुका आरोग्यधिकारी डॉ. चंद्रकांत लोहारे व समन्वयक डॉ. गुणेश बागडे यांनी दिली.