तेरा तरूणींची सुटका; ऑनलाईन सेक्‍स रॅकेटचा पर्दाफाश

पिंपरी - ऑनलाईन माध्यमातून ग्राहकांचा शोध घेऊन वेश्‍याव्यवसाय करवून घेणाऱ्या टोळीचा हिंजवडी पोलिसांनी पर्दाफाश केला. या कारवाईत पोलिसांनी तेरा तरुणींची सुटका केली. तर एकाला अटक केली आहे. 

अर्जुन प्रेम मल्ला (वय 36, रा. विमाननगर, पुणे) असे अटक केलेल्या आरोपीचे नाव आहे. त्याच्यासह त्याच्या अन्य दोन साथीदारांच्या विरोधात गुन्हा दाखल आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

आरोपी हे एका वेबसाईटच्या माध्यमातून वेश्‍या व्यवसायासाठी फोन क्रमांक ग्राहकांना पुरवत असत. ग्राहकांनी संपर्क केल्यानंतर त्यांना मुलींचे फोटो पाठवले जात. त्यातून ग्राहकाने मुलगी निवडल्यानंतर त्यांना पाहिजे असलेल्या ठिकाणी मुलींना पाठवले जात. त्याबदल्यात संबंधित ग्राहकांकडून तब्बल आठ ते वीस हजार एवढी रक्कम घेतली जात. या सेक्‍स रॅकेटची माहिती हिंजवडी पोलिसांना मिळाली. पोलिसांनी सोशल मीडियाचा वापर करून बनावट ग्राहक आरोपीकडे पाठवले. त्यातून पोलिसांनी 13 महिलांची सुटका करत एकाला अटक केली. आरोपीकडून एक मोटार व मोबाईल फोन असा एकूण चार लाख दहा हजारांचा ऐवज जप्त केला.

प्रियकराने लग्नास नकार दिल्याने प्रेयसीची आत्महत्या 

ही कारवाई पोलिस आयुक्त कृष्ण प्रकाश, अपर आयुक्त रामनाथ पोकळे, उपायुक्त आनंद भोईटे, सहाय्यक आयुक्त गणेश बिरादार यांच्या मार्गदर्शनाखाली वरिष्ठ पोलिस निरीक्षक बाळकृष्ण सावंत, पोलिस निरीक्षक (गुन्हे) अजय जोगदंड, सहाय्यक पोलिस निरीक्षक सागर काळे, उपनिरीक्षक मुदळ, समाधान कदम, पोलिस अंमलदार किरण पवार, नितीन पराळे, विजय घाडगे, आकाश पांढरे, रवी पवार, सागर जाधव, ओम कांबळे, दत्तात्रय शिंदे, रेखा धोत्रे, पूनम आल्हाट, सुप्रिया सानप, भाग्यश्री जमदाडे यांच्या पथकाने केली आहे.

दुसरी पत्नीही पतीच्या पेन्शनची वारसदार; जवानाच्या पत्नीला दिलासा

Edited By - Prashant Patil