भोसरी : भोसरी एमआयडीसी कचरा विरहीत करण्याबरोबरच विविध समस्या सोडविण्याची ग्वाही महापालिकेच्या अधिकाऱ्यांनी लघु उद्योजकांना दिली. लघु उद्योजकांनीही एमआयडीसीतील परिस्थिती बदलण्यासाठी महापालिकेला सहकार्य करण्याचा निर्धार व्यक्त केला..महापालिकेच्या ‘अ’ प्रभाग क्षेत्रीय कार्यालयात भोसरी एमआयडीसीतील इ, एल, जे, डब्ल्यू, एस ब्लॉकसह पेठ क्रमांक सात व दहामधील लघुउद्योजकांच्या विविध समस्या सोडविण्यासाठी पिंपरी चिंचवड महापालिकेच्या क प्रभाग क्षेत्रीय कार्यालयात बैठक घेण्यात आली. या बैठकीस लघुउद्योजक व माजी नगरसेवक संजय वाबळे, क प्रभाग क्षेत्रीय अधिकारी अजिंक्य येळे, मुख्य आरोग्य निरीक्षक सतीश इंगेवाड, वैभव घोळवे, आरोग्य निरीक्षक क्षितीज रोकडे, स्थापत्य विभागाचे अभियंता ललित हेडाऊ, जलनिस्सारण विभागाचे सहाय्यक अभियंता धनंजय शेरखाने, आरोग्य मुकादम अस्लम शेख, बीव्हीजी संस्थेचे प्रतिनिधिनींसह शहा आलोय, गॅलेक्सी इंडस्ट्रिअल प्रायव्हेट लिमिटेड, एसीएमई प्रोसिस सिस्टिम प्रायव्हेट लिमिटेड, जीवायबी लेदर टेक, जीएमडब्ल्यू फॅब टेक, ऑटो लिन्क प्रॉडक्ट आदी २५ कंपन्यांचे प्रतिनिधी उपस्थित होते..यावेळी भोसरी एमआयडीतील इ, एल, जे, डब्ल्यू, एस ब्लॉकसह पेठ क्रमांक सात व दहामधील विविध ठिकाणी टाकण्यात येणाऱ्या कचरा आणि स्वच्छता या समस्येवर सर्वाधिक चर्चा झाली. त्याचप्रमाणे रस्त्यांवरील खड्ड्यांमुळे झालेली दुरवस्था, पथदिव्यांची दुरुस्ती, सांडपाणी वाहिन्या, पावसाळी पाण्याचा निचरा आदी समस्यांचा पाढाही लघुउद्योजक आणि कंपन्यांच्या प्रतिनिधींनी सभेत वाचला..सर्व समस्यांचे निराकरण करण्याचे आश्वासन क प्रभाग क्षेत्रीय अधिकारी अजिंक्य येळे यांनी दिले. येळे म्हणाले, ‘‘भोसरी एमआयडीसी कचरा विरहीत करण्याचा प्रयत्न महापालिकेचा आहे. यासाठी एमआयडीसीत साचणाऱ्या कचऱ्यांच्या ठिकाणांचे सर्वेक्षण करण्यात येणार आहे. त्यानंतर या परिसरात कचरा उचलणाऱ्या वाहनांच्या फेऱ्या वाढविण्यावर भर दिला जाईल. कचरा विरहीत एमआयडीसी करण्यासाठी कचरा उघड्यावर न टाकता महापालिकेच्या वाहनातच टाकणे गरजेचे आहे.’’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
