पिंपरी : शहरातील गोरगरीब आणि गरजू लोकांना जेवण देण्यासाठी स्वयंसेवी संस्था धडपडत असताना काही आजी-माजी पदाधिकारी, नगरसेवकदेखील 'चमकोगिरी' करण्याचा प्रयत्न करत आहेत. माझ्या वॉर्डात जेवण वाटा, असा दबाव संस्थांच्या कार्यकर्त्यांवर टाकला जात आहे.
राज्यात टाळेबंदी लागू झाल्यापासून शहरातील दहाहून अधिक स्वयंसेवी संस्था-संघटना गरजू आणि गोरगरीब लोकांना जेवण, धान्य वाटप करत आहेत. मात्र, त्यांच्या कार्यकर्त्यांना राजकीय नेते मंडळींच्या चमकोगिरीला तोंड द्यावे लागत आहे.
काही दिवसांपूर्वी, केंद्र सरकारने पाच किलो मोफत तांदूळ वाटप करण्याचे जाहीर केले आहे. त्यावेळेला देखील आजी-माजी पदाधिकारी, नगरसेवक यांनी स्वतःच मोफत तांदूळ वाटप करण्यासाठी रास्त भाव धान्य दुकानदारांवर दबाव टाकण्याचा प्रयत्न केला होता. आता, त्यानंतर, कोणताही राजकीय वरदहस्त नसलेल्या स्वयंसेवी संस्था-संघटनांच्या जेवण वाटपाकडे त्यांची नजर वळली आहे.
पुण्याच्या बातम्या वाचण्यासाठी येथे ► क्लिक करा
काही स्वयंसेवी संस्थांचे पदाधिकारी नाव न छापण्याच्या अटीवर 'सकाळ'शी बोलताना म्हणाले, "लॉकडाउन एक आणि दोनपासून आम्ही गरजू लोकांपर्यंत जाऊन जेवण वाटप करत आहे. महापालिका प्रशासनाच्या निर्देशानुसार हे जेवण वाटप केले जात आहे. मात्र, त्यामध्ये अनेक राजकीय मंडळी, आजी-माजी नगरसेवक यांचे स्वतःच्या वॉर्डात जेवण वाटप करण्याच्या सूचना देत आहेत. जे त्यांचे मतदार नाहीत. त्यांच्याकडे दुर्लक्ष करून स्वतःचा राजकीय लाभ लक्षात घेऊन जेवण वाटप करण्याचा आग्रह धरला जात आहे."
काही स्वयंसेवी संस्थांनी या लोक प्रतिनिधींच्या सूचना साफ शब्दांत तर काही संस्थांनी आडवाटेने नाकारल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.