पिंपरीतील वायसीएम रुग्णालयातही होणार आता स्वॅब टेस्टिंग 

पिंपरी : पिंपरी-चिंचवड शहरातील कोरोना रुग्णांच्या वाढत्या संख्येवर नियंत्रण मिळविण्यासाठी संशयितांच्या घशातील द्रावाची तपासणी महापालिकेच्या वायसीएम रुग्णालयात सुरू झाली आहे. या आरटीएफसीआर स्वॅब टेस्टिंग लॅबचे उद्‌घाटन महापौर उषा ढोरे यांच्या हस्ते झाले. 

ताज्या बातम्यांसाठी डाऊनलोड करा ई-सकाळचे ऍप   

गेल्या आठवड्यात स्वॅब टेस्टिंग लॅबकरीता आयसीएमआरची मान्यता मिळाली आहे. दररोज 350 ते 400 स्वॅब टेस्टिंग इतकी लॅबची क्षमता आहे. यामुळे संशयित रुग्णांचा तपासणी अहवाल प्रलंबित न राहता जलद गतीने प्राप्त होण्यास मदत होईल, अशी माहिती महापौर ढोरे यांनी दिली. त्याचप्रमाणे महापालिकेच्या वैद्यकीय विभागाकडे अँटिजेन किट उपलब्ध झाले आहेत. त्याद्वारे कोरोनाची लक्षणे असणारे तसेच, कोरोबाधितांच्या संपर्कात आलेल्या सुमारे एक लाख व्यक्तींची चाचणी होणार आहे. अवघ्या पंचवीस ते तीस मिनिटांत या संशयितांना कोरोनाची लागण झालेली आहे की, नाही याची माहिती मिळणार आहे. कोरोनाची बाधा झाल्याचे निष्पन्न झाल्यानंतर अशा संशयितांची स्वॅबद्वारे तपासणी करण्यात येणार आहे. 

हेही वाचा- Video : कोरोनाचा कहर तरी, शरद पवारांनी कार्यकर्त्याला श्रद्धांजली द्यायला गाठलं त्याचं घर, वाचा सविस्तर

कोरोनाच्या रुग्णांची रोजची वाढती संख्या लक्षात घेऊन अधिकाधिक रुग्णांच्या चाचण्या कमीत कमी वेळात आणि कमीत कमी खर्चात होण्यासाठी या नव्या अतिजलद चाचणी पद्धतीत रुग्णाच्या घशातील किंवा नाकातील स्त्रावाचे परीक्षण केले जाणार आहे. या अतिविशिष्ट किटद्वारे रुग्णांचे निदान 25 ते 30 मिनिटांत होऊन रुग्णाचा अहवाल मिळणार आहे. 

पुण्याच्या बातम्या वाचण्यासाठी येथे ► क्लिक करा

महापालिकेचे फ्रन्टलाईन कर्मचारी, कंटेन्मेंट झोन, हॉटस्पॉटमधील भाजी विक्रेते, रेशनिंग दुकानदार तसेच, ज्या व्यक्तींना अतिजोखमीचे आजार आहेत. उदा. मधुमेह, हृदयविकार, उच्च रक्तदाब, फुफ्फुसे-यकृत-मूत्रपिंडे अशा अवयवांचे दीर्घकालीन गंभीर आजार, गरोदर स्त्रिया, वयोवृद्ध व्यक्ती, एचआयव्ही बाधित, कर्करोगाची केमोथेरपी घेणारे, अवयव प्रत्यारोपण झालेल्या व्यक्ती, ज्या व्यक्तींना सर्दी, खोकला, ताप, दम लागणे अशी फ्लूसदृश लक्षणे आहेत, अशा व्यक्ती तसेच जे रुग्ण कोरोना विषाणूच्या आजाराने बाधित आहेत. अशांच्या जवळच्या संपर्कात आलेल्या व्यक्तींची या किटद्वारे चाचणी करण्यासाठी वापर करण्यात येणार आहे. 

हेही वाचा- 'या' कार्यकर्त्याची श्रद्धा पाहून शरद पवारही झाले नि:शब्द!

महापालिकेची सर्व झोनल रुग्णालये, वैद्यकीय अधिकाऱ्यांच्या देखरेखीखाली जलद निदान करण्यासाठी लॅबचा वापर करण्यात येणार आहे. अँटिजेन टेस्टिंग रुग्णांना वरदानच ठरणार आहे. जलद गतीने होणाऱ्या चाचण्यांमुळे अधिकाधिक रुग्णांचे निदान होईल. आजाराच्या सुरुवातीलाच निदान झाल्यामुळे रुग्ण गंभीर होण्याचे प्रमाण आणि ते मृत्युमुखी पडण्याची संख्या मर्यादित होईल. कोरोना विषाणूची महासाथ नियंत्रणात येण्याच्या दृष्टीनं एक पाऊल पुढे पडेल, अशी आशा सत्तारुढ पक्षनेते नामदेव ढाके यांनी व्यक्त केली. 

पिंपरी-चिंचवडच्या बातम्या वाचण्यासाठी येथे ► क्लिक करा

आयुक्त श्रावण हर्डीकर, उपमहापौर तुषार हिंगे, नगरसेवक योगेश बहल, नगरसेविका सुजाता पालांडे, अतिरिक्त आयुक्त संतोष पाटील, वायसीएम रुग्णालय अधिष्ठाता डॉ. राजेश वाबळे, डॉ. प्रविण सोनी, डॉ. सतिश पाटील, डॉ. मोकाशी आदी उपस्थित होते.