पिंपरी : सर्वत्र मोकाट कुत्र्यांची दहशत दिवसागणिक वाढत आहे. या कुत्र्यांमुळे आजपर्यंत लहानथोरांना चावा घेतल्याच्या घटना घडल्या आहेत. भटकी कुत्र्यांची झुंड आडवी आल्याने दुचाकीवरून पडल्याने २० वर्षीय तरुणीचा मृत्यू झाल्याची नुकतीच घटना घडली. तिच्या अपघाती निधनाने अजमेरा - मासुळकर कॉलनीत शोककळा पसरली आहे.
याबाबत मिळालेल्या माहितीनुसार, सुप्रिया पाटील (रा. अजमेरा -मासुळकर कॉलनी, एन.सेक्टर )असे अपघातात मृत्यू झालेल्या तरुणीचे नाव आहे. ही तरुणी आयटी कंपनीत शुक्रवारी (ता.१) रात्रपाळीला होती. जेवणाच्या सुट्टीमध्ये पहाटे पाच वाजेच्या सुमारास ती दुचाकीवरून वानवडी - फातिमानगर येथे जात होती. त्याचवेळी अचानकपणे मोकाट कुत्र्यांची झुंड गाडीसमोर आली. स्वतःला वाचविण्याच्या प्रयत्नांत ती गाडीवरून खाली पडून गंभीर जखमी झाली. डोक्याला मार लागल्यामुळे ती जागीच बेशुद्ध झाली.
तिच्यावर खासगी रुग्णालयात उपचार सुरु असताना कोमात गेली. मात्र, त्याचदिवशी (ता.१) तिचा मृत्यू झाला. तिच्यापश्चात आई, वडील, चार बहिणी असा परिवार आहे. ती हा कायमच दुचाकीवरून जातांना हेल्मेट वापरत होते; मात्र या अपघातावेळीच त्याच्याजवळ हेल्मेट नसल्याने ही दुर्घटना घडल्याचे परिसरातील नागरिकांनी सांगितले. याशिवाय परिसरातील मोकाट कुत्र्यांचा प्रशासनाने बंदोबस्त करावा, अशी मागणी नागरिकांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
