पिंपरी : शहरात मंगळवारी, बुधवारी आणि गुरुवारी कोविड लसीकरण

पिंपरी - वय १८ वर्ष व त्यावरील वयोगटासाठी लाभार्थ्यांना कोविडचा पहिला व दुसरा डोस महापालिकेच्या प्रभागवार पद्धतीने कोविड लस देण्यात येणार आहे. ‘कोव्हिशिल्ड’ लसीचे डोसेस मंगळवारी (ता. १२) ते गुरुवारी (ता. १४) या दरम्यान ९ लसीकरण केंद्रांवर प्रतिदिन ७ हजार २०० प्रमाणे लस मिळणार आहे.

लसीचा कोटा कोविन अॅपव्दारे ऑनलाइन स्लॉट बुकिंग पद्धतीने ५० टक्के लाभार्थी, ऑन द स्पॉट रजिस्ट्रेशन इन कोविन अॅप पद्धतीने ५० टक्के लाभार्थी या पद्धतीने देण्यात येणार आहे. लसीकरणाचा कालावधी सकाळी आठ ते रात्री दहापर्यंत असणार आहे. या प्रभागवार पद्धतीने ‘कोव्हॅक्सिन’ लसीचे डोसेस मंगळवारी (ता.१२), बुधवारी (ता. १३) आणि गुरुवारी (ता.१४) रोजी ८ लसीकरण केंद्रांवर प्रतिदिन २८०० प्रमाणे कोविड लसी देण्यात येणार आहेत. त्यापैकी ४०० कोविड डोस पहिल्या डोससाठी राखीव असून त्यातील कोविन अॅपव्दारे ऑनलाइन स्लॉट बुकिंग पद्धतीने २०० डोसेस तर उर्वरित २०० डोसेस हे ऑन द स्पॉट रजिस्ट्रेशन इन कोविन अॅपव्दारे लसीकरण केंद्रावर देण्यात येणार आहेत. ज्या नागरिकांचा ‘कोव्हिशिल्ड’ व ‘कोव्हॅक्सिन’ लसीचा दुसरा डोस निश्चित केलेले दिवस पूर्ण झालेनंतर ही बाकी आहे. त्यांनी महापालिका वार्डनिहाय केंद्रीय किओक्स टोकनप्रणाली किंवा कोविन अॅपव्दारे ऑनलाइन स्लॉट बुकिंग करण्याची आवश्यकता नसून त्यांना महापालिकेच्या सर्व लसीकरण केंद्रावर ऑन द स्पॉट रजिस्ट्रेशन इन कोविन अॅप पद्धतीने लसीकरण करण्यात येईल.

सर्व लसीकरण केंद्रावर ज्येष्ठ नागरिक, दिव्यांग व तृतीयपंथी महापालिका वार्डनिहाय केंद्रीय किओक्स टोकनप्रणाली नोंदणी केलेल्या लाभार्थ्यांना लसीकरणासाठी प्राधान्य देण्यात येईल. ता.१२ ते १४ ऑक्टोबरसाठी कोविन अॅपवर नोंदणी करण्यासाठी उद्या (ता. १२) रोजी सकाळी ८.०० वाजण्यापूर्वी स्लॉट बुकिंग करण्यासाठी ओपन करण्यात येतील. तसेच स्तनदा व गरोदर महिलांचे कोविड-१९ लसीकरण करणेकामी आठ लसीकरण केंद्रावर काही डोस राखीव ठेवण्यात येत असून ऑन द स्पॉट रजिस्ट्रेशन इन कोविन ऍप या पद्धतीने लसीकरण करण्यात येईल.