PMP Bus : सावित्रीच्या लेकींची पायपीट थांबली; पीएमपी बसमुळे झाली गैरसोय दूर

- बेलाजी पात्रेवाकड - भूमकर वस्ती येथील महापालिकेच्या कै. आबाजी रामभाऊ भूमकर प्राथमिक शाळेत दूर अंतरावरुन येणाऱ्या आपल्या विद्यार्थिनींची पायपीट थांबावी म्हणून शिक्षकवृंदांनी कंबर कसली. पीएमपीएल व महापालिका प्रशासनाशी सातत्याने पाठपुरावा केला. आणि पाहता-पाहता शिक्षकांच्या त्या मेहनतीला यश आल्याने सावित्रीच्या लेकींची पायपीट आता थांबली आहे..महापालिका यांत्रिक विभाग व पुणे परिवहन मंडळाकडून शाळेतील विद्यार्थिनींसाठी मोफत व दोन मार्गावर धावण्यासाठी दोन बस नुकत्याच सुरु करण्यात आल्याने विद्यार्थ्यांनी आनंद व्यक्त केला. बसचे व चालकाचे जंगी स्वागत झाले.बसचे पूजन करून, पेढे वाटून आनंदोत्सव झाला. कोलते पाटील गेट, मारुंजी ते भूमकर वस्ती शाळा व दुसरी बस ताथवडे, पवार नगर ते भूमकर वस्ती शाळा अशा दोन मार्गावर बस सुरू झाल्याची माहिती पालकांना देण्यात आली..माजी स्वीकृत सदस्य मोहन भुमकर, संत तुकाराम कारखान्याचे माजी संचालक बाळासाहेब विनोदे, डीपीडीसीच्या सदस्या प्रा.भारती विनोदे, सामाजिक कार्यकर्त्या मीना भुमकर, मुख्याध्यापिका सुरेखा गोडांबे आदी मान्यवरांच्या हस्ते बसचे पूजन झाले.यावेळी बहुसंख्य पालक, ग्रामस्थ व शाळा व्यवस्थापन समितीचे सदस्य उपस्थित होते. गरीब घरातील शेकडो विद्यार्थिनी या शाळेत शिकतात. रोजगारानिमित्त पालकांचे वाकड पंचक्रोशीत सातत्याने स्थलांतर होत असते. मात्र शाळा आणि शिक्षकांवरील प्रेमापोटी अनेक विद्यार्थिनी शाळेत टिकून आहेत..आजूबाजूच्या सुमारे आठ ते दहा किमी अंतरावरून शाळेत येणाऱ्या ह्या विद्यार्थिनींची गेल्या अनेक वर्षांपासून पायापीट सुरु होती. विशेषत: पावसाळ्यात त्यांची मोठी हेळसांड होत. वैतागून अनेकदा त्या शाळेला दांडी मारत. ही बाब शिक्षकांच्या लक्षात आली.त्यामुळे शिक्षकवृंदांनी ही बाब महापालिका आणि पीएमपीएमएल प्रशासनाच्या निदर्शनास आणून दिली. मेहनत घेत सातत्याने पाठपुरावा केला त्यामुळे त्यांच्या मेहनतीला यश आल्याने सावित्रीच्या लेकींची पायपीट पुर्णपणे थांबली आहे..शाळेला बस मंजूर करण्यासाठी पुणे परिवहन मंडळाच्या अध्यक्षा व व्यवस्थापकीय संचालक दीपा मुधोळ-मुंडे यांनी विशेष सहकार्य करत विद्यार्थिनींच्या शिक्षणात अडचण येऊ नये म्हणून संवेदनशीलपणे विषय हाताळला. बस मंजुरी पाठपुरावा करणेकामी शाळेच्या मुख्याध्यापिका सुरेखा गोडांबे यांच्या मार्गदर्शनाखाली प्रविण गायकवाड, नामदेव चव्हाण, गोपिनाथ दिवेकर व मिलिंद परबत या शिक्षकांनी विशेष प्रयत्न केले..प्रतिक्रियाआमच्या शाळेत अतिशय गरीब व मजूर कुटुंबातील विद्यार्थी शिक्षण घेतात. कुशाग्र बुद्धिमत्ता असून देखील लांबच्या पायी प्रवासाला वैतागून विद्यार्थी शाळेला दांडी मारत. त्यांच्या शिक्षणात बाधा येऊ नये, जलद व सुखकरपणे शाळेत ये-जा करता यावी म्हणून हा सर्व खटाटोप करण्यात आला. महापालिका व पीएमपीएल प्रशासनाचे मनःपूर्वक आभार.- बाळासाहेब विनोदे, सदस्य शालेय शिक्षण समिती.या मदतीमुळे विद्यार्थिनींची व त्यांच्या पालकांची होणारी आर्थिक व शारीरिक पळापळ थांबली आहे. शाळेसाठी पीएमपीएमएलची मोफत बससेवा सुरु झाल्याने मुलींच्या उपस्थितीवर, गळतीवर फुल स्टॉप लागला तसेच शाळेची पटसंख्या वाढण्यास चांगलीच मदत होणार आहे. गरीब पालकांची आर्थिक ओढाताणही कमी होण्यास मदत होणार आहे.'- सुरेखा गोडांबे, मुख्याध्यापिका.आमच्यासाठी शाळेने उपलब्ध करून दिलेल्या बस सेवेने आमची खूप दुरून चालत येणाऱ्यां मुलींची सोय झाली. आता मुली कधीही घरी न राहता नियमित शाळेत येतील. आमची खूप मोठी समस्या शाळेने सोडवली. मुख्याध्यापक व सर्वांचे खूप खूप धन्यवाद.- तन्वी सुरवसे, विद्यार्थीनी इ. ५ वी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

PMP Bus : सावित्रीच्या लेकींची पायपीट थांबली; पीएमपी बसमुळे झाली गैरसोय दूर

Related Stories