पिंपरी : मुळा नदीचे प्रदूषण वाढले असल्याचे पुन्हा एकदा स्पष्ट झाले. गुरुवारी (ता. १४) सकाळी नदीत मोठ्या प्रमाणात मासे मृतावस्थेत आढळले. शहराच्या दक्षिणेस मुळा नदी आहे. वाकडपासून बोपखेलपर्यंत नदी वाहते. नदीच्या दक्षिणेस पुणे महापालिकेची हद्द आहे..मुळशी तालुक्यातील औद्योगिक व निवासी क्षेत्रासह पुणे व पिंपरी -चिंचवडच्या काही उपनगरांचे पाणी थेट नदीत सोडले जात असल्याने प्रदूषण वाढल्याचा आरोप पर्यावरणप्रेमी करत आहेत. याबाबत पिंपरी-चिंचवड महापालिकेकडे वारंवार निवेदन देऊनही सांडपाणी व औद्योगिक कचरा थांबविण्यासाठी आणि त्यावर प्रक्रिया करण्यासाठी ठोस पावले उचललेली दिसत नाहीत..पाण्यातील ऑक्सिजनची पातळी खूपच खालावल्यामुळे मासे मोठ्या प्रमाणावर मृत्यूमुखी पडले आहेत. पावसाळा असल्यामुळे आणि नदीत जिवंत झरे सुरू असल्यामुळे नदीत सध्या वाहते पाणी आहे. तरीही एवढ्या मोठ्या प्रमाणावर मासे मृत्यू पडले. त्यातून प्रदूषणाची भीषण पातळी स्पष्ट होते, असे पर्यावरण तज्ज्ञांनी अधोरेखित केले आहे..नदीच्या उगमापासून संगमापर्यंत प्रदूषण बंद करणे, सांडपाणी योग्य प्रकारे शुद्ध करणे अत्यावश्यक आहे. माशांचा मृत्यू हा इशारा आहे आणि तो दुर्लक्ष करण्यासारखा नाही. आम्ही पीसीएमसी व संबंधित सर्व यंत्रणांना विनंती करतो की, पर्यावरण नाश करणारे काम थांबवून, पाण्याच्या गुणवत्तेवर तातडीने लक्ष द्यावे, अशी मागणीही त्यांनी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
