पिंपरी : लाडक्या गणरायाचे आगमन बुधवारी (ता. २७) झाले आहे. दीड आणि तीन दिवसांच्या गणेशमूर्तींचे विसर्जन अनुक्रमे गुरुवार (ता. २८) आणि शुक्रवारी (ता. २९) भाविकांनी केले. गणेशोत्सवाचा समारोप अनंत चतुर्दशीच्या दिवशी (शनिवार, ता. ६ सप्टेंबर) होणार आहे. या काळात गणेशभक्तांच्या सुरक्षेसाठी महापालिकेच्या अग्निशमन विभागाने विशेष उपाययोजना आखली असून, २७ विसर्जन घाटांवर जीवरक्षकांची नियुक्ती केली आहे.