Wakad News : थेरगावमध्ये घरात आढळला महिलेचा संशयास्पद मृतदेह

वाकड - थेरगावमध्ये वनदेव आनंदवन नगर येथील एका घरात रविवारी (ता. १८) सायंकाळी विवाहितेचा संशयितरित्या मृतदेह आढळून आला आहे. मेघा लखन जुरांडे (वय २८, सध्या रा. वनदेव आंनदवन नगर, थेरगाव, मुळगाव जवळा जामखेड नगर) असे त्या महिलेचे नाव असून मृतदेहाच्या मांडीवर खोलवर चटके दिल्याच्या खुणा आढळून आल्याने या प्रकरणाबाबत तर्क-वितर्क सुरु आहेत.

अद्याप तरी वाकड पोलिसांकडे आकस्मिक मृत्यूची नोंद कारण्यात आली आहे. मेघा यांनी नऊ वर्षांपूर्वी अंतरजातीय प्रेम विवाह केला होता त्यांना पाच वर्षांचा एक मुलगा असून त्यांचे पती वाहन चालक आहेत. मात्र, मेघा यांचा मृत्यू नेमका कशाने झाला की तो घातपात आहे याबाबत वाकड पोलीस तपास करत आहेत.