दुध भेसळ संशयावरून सात लाखांची व्हे पावडर जप्‍त

पिंपरी - सराईत गुन्हेगाराने (Serial Criminal) परिसरातील काही गुंडांविरोधात तक्रार (Complaint) दिली. त्यानंतर पोलिसांनी त्या गुंडांवर 'मोका' (Mokka) अंतर्गत कारवाई (Crime) केली. त्यात सराईत गुन्हेगाराने न्यायालयात साक्ष (Evidence) देऊ नये, म्हणून दोघांनी त्याच्यावर खुनी हल्ला (Murderer Attack) केला. ही घटना चिखलीतील स्पाईन रोड येथे घडली.

अमित अशोक चव्हाण (वय ३१, रा. घरकुल, चिखली) असे या हल्ल्यात जखमी झालेल्या सराईत गुन्हेगाराचे नाव आहे. याप्रकरणी त्याचे वडील अशोक बाबूराव चव्हाण (वय ५६) यांनी चिखली पोलिस ठाण्यात फिर्याद दिली आहे. त्यानुसार सोहेल पठाण, आकाश मस्के (दोघेही रा. घरकुल, चिखली) यांच्यावर गुन्हा दाखल झाला आहे. अमित हा सराईत गुन्हेगार असून, त्याच्यावर विविध गुन्हे दाखल आहेत. त्याने परिसरातील काही गुंडांविरोधात पोलिस ठाण्यात फिर्याद दिली होती. त्यावरून पोलिसांनी संबंधित गुंडांवर महाराष्ट्र संघटित गुन्हेगारी प्रतिबंधक कायद्यानुसार (मोका) कारवाई केली असून, ते गुंड सध्या कारागृहात आहेत.

दरम्यान, मोकाच्या गुन्ह्यात अमित साक्षीदार असून, त्याने न्यायालयात साक्ष देऊ नये म्हणून आरोपींनी संगनमत करून दोघांनी अमितवर धारदार हत्याराने वार केले. या प्राणघातक हल्ल्यात अमित गंभीर जखमी झाला. आरोपी पठाण व मस्के यांच्यावरही यापूर्वी गुन्हे दाखल आहेत. चिखली पोलिस अधिक तपास करीत आहेत.